Gujarati News

Gujarati News

News of Wednesday, 13th January 2021

રાજપીપળા સહિત નાંદોદ પુરવઠા દુકાનદારોના અનાજ અને કુપન કમિશનના નાણાં જમા ન થતા નારાજગી

લાખો રૂપિયા નું કમિશન મહિનાઓ થી ન મળતા ફક્ત કમિશન પર જ ગાડું ગબડાવતા દુકાનદારોમાં રોષ

(ભરત શાહ દ્વારા) રાજપીપળા : નર્મદા જિલ્લામાં રેશનકાર્ડ પર અનાજ લેતા ગ્રાહકોને પોતાના હકનું અનાજ તો મળતું હોય છે પરંતુ અનાજ અપાતા પુરવઠા દુકાનદારોને સરકારમાંથી કમિશન મળે છે જેમાં ઘણા વર્ષોથી ઓનલાઇન થયા બાદ દુકાનદારોનું કમિશન પરજ ગાડું ગબડતું હોય પરંતુ એ પણ સમયસર ન મળે તો હાલની કારમી મોંઘવારી અને પરમીટના એડવાન્સ રૂપિયા ભરવા પડતા હોય ત્યારે  એ બાબતે મોટી તકલીફ ઊભી થતી હોય છે.

જેમાં આધારભૂત સૂત્રોના જણાવ્યા મુજબ રાજપીપળા તેમજ નાંદોદ તાલુકાના કેટલાક દૂકનાદારો ને ઘણા સમય થી અનાજ અને કુપન નું કમિશન મળ્યું નથી તો ઉપર લેવલ થી આવી લાલીયાવાડી કેમ..?શુ જેમના કમિશન જમા નથી થયા તે દૂકનાદારો ને મહિનાઓ મોડું થતા સરકાર વ્યાજ સાથે કમિશન ના નાણાં ચૂકવશે..?કે નવા મહિના ની પરમીટ માંથી નાણાં બાદ કરી આપશે..?સમગ્ર દેશ માં પુરવઠા સિસ્ટમ ઓનલાઇન થયા બાદ આવી ભૂલો વારંવાર થતી હોય તો તે માટે જવાબદાર કોણ..?આવા અનેક પ્રશ્નો હાલ નર્મદા જિલ્લામાં ચર્ચાઈ રહ્યા છે.
 આ બાબતે નિગમના મામલતદાર સુરેશભાઈ વસાવા સાથે ટેલિફોનિક વાત કરતા જાણવા મળ્યું કે અમુક બે ત્રણ દુકાનદારો ના કમિશન બાકી છે એ માટે ઉપર જાણ કરી છે.ટૂંક સમયમાં જમા થઈ જશે.

(12:02 am IST)
  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST

  • જાણીતા સમાજસેવી અન્ના હજારે ખેડૂતોના સમર્થનમાં ભૂખ હડતાલ કરશે : જાન્યુઆરીના અંત સુધીમાં કૃષિ કાયદાનો કોઈ ઉકેલ નહીં આવે તો ભૂખ હડતાલ કરશે : વડાપ્રધાન મોદીને લખ્યો પત્ર access_time 11:41 pm IST