Gujarati News

Gujarati News

News of Wednesday, 13th January 2021

રાજપીપળામાં સ્વામી વિવેકાનંદની 157 મી જન્મ જયંતિ નિમિત્તે યુવા મોરચા દ્વારા બાઈક રેલી યોજાઈ

કાળિયા ભૂત ખાતે સ્વામી વિવેકાનંદજી ની તસવીર ઉપર પુષ્પાંજલિ કરી રેલી શહેરના માર્ગો પર ફેરવી

(ભરત શાહ દ્વારા) રાજપીપળા : આજે સ્વામી વિવેકાનંદજીની 157 મી જન્મ જયંતિ નિમિત્તે નર્મદા જિલ્લા ભાજપ યુવા મોરચા દ્વારા એક બાઈક રેલીનું આયોજન કરવામાં આવ્યું હતું.
      જેમાં જિલ્લા મહામંત્રી નિલ રાવ,જિલ્લા ઉપપ્રમુખ અનિરુદ્ધસિંહ ગોહિલ,શહેર પ્રમુખ રમણસિંહ રાઠોડ,શહેર મહામંત્રી અજિત પરીખ અને રાજુ પટેલ તેમજ યુવા મોરચાના કાર્યકર્તાઓ,મહિલા મોરચો પણ હાજર રહી રાજપીપળાના કાળીયાભૂત ખાતે સ્વામી વિવેકાનંદજીની તસવીર પર પુષ્પાંજલિ કરી મોટી સંખ્યામાં યુવાનો બાઈક રેલીમાં જોડાયા હતા  આ બાઈક રેલી શહેરના મુખ્ય માર્ગો ઉપર ફરી હરસિધ્ધિ માતાના મંદિરે તેનું સમાપન થયું હતું.આમ ભાજપ યુવા મોરચા દ્વારા યુવાનોના પ્રેરણા સ્ત્રોત એવા સ્વામી વિવેકાનંદજીની જન્મ જયંતિએ રાષ્ટ્રિય યુવા દિવસ નિમિતે બાઈક રેલીનું આયોજન કરાયું હતું

(11:39 pm IST)
  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST