Gujarati News

Gujarati News

News of Wednesday, 12th September 2018

વડોદરામાં દેશનું પ્રથમ થ્રીડી પ્રિન્ટીંગ ટેકનોલોજીનો ઉપયોગ કરી દર્દીના પગની ઘૂંટીનું સફળ ઓપરેશન

વડોદરામાં દેશનું પ્રથમ થ્રીડી પ્રિન્ટીંગ ટેકનોલોજીનો ઉપયોગ કરી દર્દીના પગની ઘૂંટીનું સફળ ઓપરેશન

 

વડોદરામાં દેશનું પ્રથમ થ્રીડી પ્રિન્ટીંગ ટેકનોલોજીનો ઉપયોગ કરીને  દર્દીના પગની ઘૂંટીનું સફળ ઓપરેશન કર્યું છે છોટાઉદેપુર જિલ્લાના ગુડા ગામના યુવાન સુરતાન રાઠવાના જમણા પગની ઘૂંટીનું હાડકું બહાર નીકળી ગયું હતું. પગ કાપવો પડે તેવી સ્થિતી હતી.પરંતુ, વડોદરાના ઓર્થોપેડિક સર્જને જેતે સમયે એક પગ કાપવાની વાતથી નાસીપાસ થઇ ગયેલા આદિવાસી યુવાનની ઘુંટીનું થ્રીડી પ્રિન્ટીંગ ટેકનોલોજીની મદદથી ઓપરેશન કરીને પગ બચાવી લીધો છે. થ્રીડી પ્રિન્ટીંગ ટેકનોલોજીનો ઉપયોગ કરીને ઘૂંટીનું સફળ ઓપરેશન થયું હોય તેવો પ્રથમ કિસ્સો છે.

  અંગેની વિગત મુજબ ગુડા ગામમાં ખેતી અને પરચૂરણ સામાન વેચવાની દુકાન ધરાવતો સુરતાન ગોપલાભાઇ રાઠવા (ઉં..32) ગત તા.14-3-018ના રોજ પોતાની મોટર સાઇકલ લઇને જામલી રોડ ઉપરથી સાંજના સમયે પસાર થઇ રહ્યો હતો. તે સમયે બોલેરો જીપ સાથે અકસ્માત સર્જાયો હતો. અકસ્માતમાં સુરતાન રાઠવાના જમણા પગમાં સાથળ, ઘૂંટણની નીચે અને પગના તળીયા પાસેની ઘૂંટીમાં ભયંકર ફેક્ચર થયું હતું. પગના તળીયા પાસેની પગની ઘૂંટીનું તો હાડકુ નીકળીને રોડ ઉપર પડી ગયું હતું.

   ગંભીર અકસ્માતનો ભોગ બનેલા સુરતના રાઠવાને પ્રાથમિક સારવાર ઝોઝ પ્રાથમિક આરોગ્ય કેન્દ્રમાં આપવામાં આવી હતી. જ્યાંથી બોડેલી ખાતે ખાનગી હોસ્પિટલમાં લઇ જવામાં આવ્યો હતો. પરંતુ, પગને ગંભીર ઇજા પહોંચી હોવાથી તેણે તુરતજ શનશાઇન ગ્લોબલ હોસ્પિટલ વડોદરા ખાતે લાવવામાં આવ્યો હતો. જ્યાં તેના સાથળ અને ઘૂંટણની નીચેના ભાગના બે ઓપરેશન બાદ ઓર્થોપેડિક સર્જન ડો. રાજીવ શાહે તેની ઘૂંટીનું થ્રીડી પ્રિન્ટીંગ ટેકનોલોજીની મદદથી સફળ ઓપરેશન કર્યું હતું.

(12:54 am IST)
  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST

  • રાહુલે ૫ હજાર કરોડનું કર્યુ કૌભાંડ : બીજેપીના કોંગ્રેસ અધ્યક્ષ પર આકરા પ્રહારો : રાહુલ ગાંધી ગમે ત્યારે ટ્વીટ કરે છે, તેણે કાળા નાણાનો ઉપયોગ કર્યો છે : ૫ હજાર કરોડનું કૌભાંડ પણ તેણે કર્યુ છે : શેલ કંપની પાસેથી રાહુલે લીધી છે લોન : માલ્યાની મદદ ગાંધી પરિવારે કરી છે : રાહુલનું હવાલાથી કનેકશન છે : બીજેપીના જબરા પ્રહારો access_time 4:05 pm IST

  • અમદાવાદ :એસ જી હાઇવે પર દૂધ ઢોળવાનો કેસ:સોલા પોલીસે કોગ્રેસના ધારાસભ્ય અલ્પેશ ઠાકોરને નોટિસ ફટકારી :આ કેસમાં અલ્પેશ ઠાકોરની કથિત સંડોવણીને લઈને આપવામાં આવી નોટીસ access_time 12:45 am IST