Gujarati News

Gujarati News

News of Friday, 13th July 2018

નર્મદા ડેમની સપાટીમાં સતત વધારો થયો : રિપોર્ટમાં દાવો

ડેમની સપાટી ૧૦૯.૯૫ મીટર સુધી પહોંચી : ભારે વરસાદ જારી રહેવાના લીધે પાણીની આવક વધી

અમદાવાદ, તા. ૧૩ : ઉપરવાસમાં સતત વરસાદના પરિણામ સ્વરુપે સરદાર સરોવર ડેમમાં પાણીની સપાટી સતત વધી રહી છે. મળેલી માહિતી મુજબ નર્મદા ડેમની સપાટી ૧૦૯.૯૫ મીટરથી ઉપર પહોંચી ગઈ છે. નર્મદા ડેમની સપાટી હજુ પણ વધી રહી છે. નર્મદા ડેમને ગુજરાતની જીવાદોરી સમાન ગણવામાં આવે છે. ડેમની સપાટી સતત વધી રહી છે. હાલ નર્મદા ડેમમાં ૯૬૭૪ ક્યુસેક પાણીની આવક છે જેથી નર્મદા ડેમની સપાટી ૧૦.૯૫ મીટર પર પહોંચી ગઈ છે. ડેમની સપાટી ૧૧૦ મીટર થતાં આઈબીપીટી ટનલ બંધ કરવામાં આવશે. હાલ ડેમમાં ૩૫૯૩.૭૭ એણસીએમ પાણીનો જથ્થો છે. આજે સાંજ સુધીમાં નર્મદા ડેમની સપાટી ૧૧૦ મીટરને પાર કરી જાય તેવી શક્યતા છે. છેલ્લા ૨૪ કલાકમાં નર્મદા જિલ્લામાં સાર્વત્રિક વરસાદ નોંધાયો હતો જેમાં નાંદોદમાં ૧.૭૫ ઇંચ, તીલકવાડામાં ૩ ઇંચ ગરૂડેશ્વર ૨.૭૫ ઇંચ, ડેડિટાપાડા ૧.૫ ઇંચ, સાગબારા ૧૪મીમી વરસાદ નોંધાયો છે. દરમિયાન અતિ ભારે વરસાદને લઇ દક્ષિણ ગુજરાતના અલગ-અલગ રસ્તાઓ પર પાણી ફરી વળતા સુરતમાં ૨૬, તાપીમાં નેશનલ હાઈ વે સહિત ૫૨, નવસારીમાં સ્ટેટ હાઈ વે સહિત ૭૭, વલસાડના ૨૧ અને ડાંગના બે સ્ટેટ હાઈવે સહિત ૧૯ રસ્તાઓ મળી કુલ ૨૦૦થી વધુ રોડ-રસ્તાઓ બંધ થઈ ગયા છે. જેને લઇ આ માર્ગો પરનો વાહનવ્યવહાર ખોરવાઇ ગયો છે, તો સ્થાનિક જનજીવન પણ ઠપ્પ થઇ ગયું છે. દક્ષિણ ગુજરાત અને સૌરાષ્ટ્ર પંથકના કેટલાય રોડ-રસ્તાઓ બિસ્માર થઇ ગયા છે, તો અનેક જગ્યાએ મોટા અને જોખમી ગાબડા પણ પડયા હોવાની વિગતો સામે આવી હતી.

(8:20 pm IST)
  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST

  • જૂનાગઢ પંથકમાં બારે મેઘ ખાંગા: સવારથી જ જૂનાગઢ અને આસપાસના વિસ્તારોમાં ભારે વરસાદ : ઠેક ઠેકાણે ભરાયા પાણી : ગિરનારના જંગલમાં અને શહેરમાં ધુવાધાર વરસાદ : વિલિંગડન અને હસ્નાનપુર ડેમમાં નવા નીર : ગિરનાર પર્વત પર ધોધમાર વરસતા વરસાદનો જુઓ વિડીયો access_time 11:21 pm IST

  • ભાજપના પૂર્વ ઉપાધ્યક્ષ જયંતિ ભાઈ ભાનુશાળી પર બળાત્કારના આરોપનો મુદ્દો : સુરત પોલીસ કમિશ્નરનુ ટેલિફોનિક નિવેદન :અરજીની તપાસ કાપોદ્રા પોલીસ સ્ટેશનના PIને સોંપવામાં આવી: પહેલા પ્રાથમિક અરજીની તપાસ કરવામાં આવશે બાદમાં આગળની કાર્યવાહી હાથ ધરવામાં આવશે access_time 12:13 am IST