Gujarati News

Gujarati News

News of Thursday, 13th June 2019

થરાદની નર્મદા નહેરમાં વાવની હેતલબેન રાઠોડે મોતની છલાંગ લગાવી :પાલિકાના તરવૈયાએ મૃતદેહ બહાર કાઢ્યો

 

થરાદના દુધશીત કેન્દ્ર પાસેથી પસાર થતી નર્મદા નહેરમાં વાવ શહેરના રાઠોડવાસની હેતલબેન દુદાભાઇ રાઠોડ નામની ૨૨ વર્ષિય મહિલાએ મોતની છલાંગ લગાવી હતી.

   બનાવની પરિવારને જાણ થતાં નહેર પર દોડી આવ્યાં હતાં.જોકે રાતે વાવઝોડાનો માહોલ હોઇ શોધખોળ મુશ્કેલ બનતાં  વહેલી સવારથી પાલિકાની રેસ્કયુ ટીમ દ્રારા શોધખોળ હાથ ધરવામાં આવી હતી.દરમ્યાનનગરપાલિકાના તરવૈયા સુલતાન મીરની મદદથી મહિલાના મૃતદેહને  શોધખોળ બાદ બહાર કઢાયો હતો.અને પરિવારને સોંપ્યો હતો.

  પરિણીત મહિલાએ અગમ્ય કારણોસર નહેરમાં ઝંપલાવતાં અરેરાટી સાથે ચકચાર મચવા પામી હતી.થરાદ પોલીસ દફતરે બનાવની કોઇ નોંધ નહી થવા પામી હોવાનું જણાવ્યું હતું.

(12:26 am IST)
  • વાયુ વાવાઝોડું સૌરાષ્ટ્રના કાંઠે સિધુ ત્રાટકશે નહિ, અને પશ્ચિમ દિશામાં ફંટાય રહ્યું છે અનેઓમાન તરફ આગળ વધે છે, સોમનાથ થી 125 કીમી દૂરથી ફંટાય રહ્યું છે... ભારે પવન અને વરસાદ ચાલુ રહેશે access_time 8:41 am IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST