Gujarati News

Gujarati News

News of Thursday, 13th June 2019

કોઇ પણ પરિસ્થિતિમાં કેન્દ્ર સરકાર ગુજરાતની પડખે : વાવઝાડાને લઇને નરેન્દ્રભાઇ મોદીએ વિજયભાઇ રૂપાણી સાથે વાત કરી

ગાંધીનગર, તા. ૧૩ : વાયુ વાવઝોડાને કારણે ગુજરાત તંત્ર સતર્ક બન્યું છે. ગમે ત્યારે વાવાઝોડુ ગુજરાતના દરિયા કિનારે ત્રાટકી શકે છે. આ દરમિયાન દેશના વડાપ્રધાન નરેન્દ્ર મોદીએ મુખ્યપ્રધાન વિજય રૂપાણી સાથે ટેલિફોનીક વાતચીત કરીને ગુજરાતના હાલ જાણ્યા હતા. તો સાથે જ કોઇપણ પરિસ્થિતિમાં કેન્દ્ર સરકાર ગુજરાતની પડખે હોવાની સાંત્વના પણ આપી હતી.

પીએમ મોદી આજે બિશ્કેક સંમેલનમાં હાજરી પુરાવા પહોંચ્યા છે. ત્યાં તેઓ બિશ્કેક સંમેલનમાં પહોચે તે પહેલા જ મોદીએ રાજયના મુખ્યપ્રધાન રૂપાણી સાથે ટેલિફોનીક વાતચિત કરી હતી. વડાપ્રધાન મોદીએ પોતાના વતન રાજય ગુજરાતની સંભવિત કુદરતી આપદા પ્રત્યેની ચિંતા-સંવેદના વ્યકત કરી હતી. લ્ઘ્બ્ સંમેલનમાં ભાગ લેવા બિશ્કેક ગયેલા વડાપ્રધાન નરેન્દ્ર મોદીએ બિશ્કેક એરપોર્ટ પર ઉતરતાની સાથે જ વિજય રૂપાણી સાથે ટેલિફોનિક વાતચીત કરીને રાજયમાં આવી રહેલા સંભવિત વાયુ વાવાઝોડા અંગે વિગતવાર ચર્ચા કરીને વિગતો મેળવી હતી.

(4:01 pm IST)
  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST

  • રાજકોટથી એસટીની દીવ- કોડીનાર- વેરાવળ- ઉના- પોરબંદર- દ્વારકાની બસો બંધ : કુલ ૨૦ બસો બંધઃ વાયુ વાવાઝોડા સંદર્ભે આજે સતત બીજા દિવસે રાજકોટ એસટી ડીવીઝનની દીવ-કોડીનાર-વેરાવળ-ઉના-પોરબંદર-દ્વારકાની બસો બંધ રખાઈ : કોઈ મુસાફરો ફરકતા નથી : બે દિ'થી આવકમાં તોતીંગ ગાબડુ : જામનગર સુધી એસટી દોડે છે : સાંજ બાદ પુનઃ બસ વ્યવહાર શરૂ થવાની શકયતા : એડવાન્સ બુકીંગમાં ૪ લાખનું રીફંડ અપાયુ access_time 10:57 am IST

  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST