Gujarati News

Gujarati News

News of Thursday, 13th June 2019

૨૪ કલાકમાં ૧૦૮ તાલુકામાં ઝાપટાથી ૨ ઈંચ વરસાદ : પાટણમાં સૌથી વધુ : જયંત સરકાર

દ. ગુજરાત અને સૌરાષ્ટ્રમાં 'વાયુ'ને લીધે પરંતુ ઉ.ગુજ.માં વેસ્ટર્ન ડિસ્ટર્બન્સને લીધે વરસાદ પડ્યો : ૩ દિવસ સુધી વરસાદી દોર ચાલુ રહેશે

ગાંધીનગર, તા. ૧૩ : આજે સવારે ૮:૩૦ વાગ્યા સુધીમાં છેલ્લા ૨૪ કલાકમાં ગુજરાતના ૧૦૮ તાલુકાઓમાં વરસાદ પડ્યો છે. જેમાં ઉત્તર ગુજરાતના પાટણ ખાતે સૌથી વધુ ૨ ઈંચ (૪૫ મીમી) વરસાદ નોંધાયો છે.

હવામાન ખાતાના ડાયરેકટર જયંત સરકારના જણાવ્યા મુજબ હજુ ૩ દિવસમાં વધુ વરસાદના રાઉન્ડ આવવાની શકયતા છે. તેમણે વધુમાં જણાવેલ કે દક્ષિણ ગુજરાત અને સૌરાષ્ટ્ર - કચ્છના વિસ્તારોમાં 'વાયુ' વાવાઝોડાના કારણે વરસાદ પડી રહ્યો છે પણ ઉત્તરી ભાગમાં તેની અસર નથી. ઉત્તરી વિસ્તારોમાં વેસ્ટર્ન ડિસ્ટર્બન્સના કારણે વરસાદ પડી રહ્યાનું અંતમાં જણાવેલ.

(3:54 pm IST)
  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST

  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • રાજકોટથી એસટીની દીવ- કોડીનાર- વેરાવળ- ઉના- પોરબંદર- દ્વારકાની બસો બંધ : કુલ ૨૦ બસો બંધઃ વાયુ વાવાઝોડા સંદર્ભે આજે સતત બીજા દિવસે રાજકોટ એસટી ડીવીઝનની દીવ-કોડીનાર-વેરાવળ-ઉના-પોરબંદર-દ્વારકાની બસો બંધ રખાઈ : કોઈ મુસાફરો ફરકતા નથી : બે દિ'થી આવકમાં તોતીંગ ગાબડુ : જામનગર સુધી એસટી દોડે છે : સાંજ બાદ પુનઃ બસ વ્યવહાર શરૂ થવાની શકયતા : એડવાન્સ બુકીંગમાં ૪ લાખનું રીફંડ અપાયુ access_time 10:57 am IST