Gujarati News

Gujarati News

News of Wednesday, 13th June 2018

ખેડા જિલ્લામાં અપમૃત્યુના બે બનાવમાં બે મોતને ભેટ્યા

ખેડા:જિલ્લાના જાવોલ અને નડીઆદ નજીક બનેલા બે અપમૃત્યુના બનાવમાં બેના મોત થવા પામ્યા હતા.

પોલીસ સૂત્રોમાંથી મળેલ વિગત મુજબ નડિયાદ તાલુકાના જાવોલમાં નરવતસિંહ ચંદુભાઈ ચૌૈહાણ રહે છે. ગઈકાલે સાંજે નરવતસિંહ ચૌૈહાણની પત્ની મંજુલાબેન (ઉં.વ.૩૦)એ કોઈ અગમ્ય કારણસર ઝેરી દવા ગટગટાવી હતી. જેથી આખા શરીરમાં ઝેર પ્રસરી જતાં મંજુલાબેન ચૌહાણનું પોતાના ઘરે જ મોત નિપજ્યું હતું. આ બનાવ અંગે બુધાભાઈ મોહનભાઈ ચાવડાએ જાણ કરતા ચકલાસી પોલીસે અકસ્માત મોતની નોંધ કરી તપાસ હાથ ધરી છે.

જ્યારે બીજા બનાવમાં નડિયાદ રેલવે સ્ટેશનની ઉત્તરે કિમી ૪૫૦/૧ થી ૪૫૦/૩ વચ્ચે અપ લાઈન ઉપર આજે વહેલી સવારે એક અજાણ્યો પુરૂષ ઉંમર ૪૦ વર્ષનું કોઈપણ ટ્રેનની અડફેટે આવી જતાં કપાઈ જતા મોત નિપજ્યું હતું. આ અજાણ્યા પુરૂષે શરીરે આખી બાયનું લાલ સફેદ લીટીવાળું ટી શર્ટ તથા આસમાની કલરનું પેન્ટ પહેરેલ છે. તેના ડાબા હાથ ઉપર દિલમાં અંગ્રેજીમાં ડીજી કોતરાવેલ છે. આ બનાવ અંગે નડિયાદ રેલવે પોલીસે અકસ્માત મોતની નોંધ દાખલ કરીને કાર્યવાહી હાથ ઘરી છે.

(5:59 pm IST)
  • સુરતમાં ઝરમર : અમદાવાદમાં વાતાવરણમાં પલ્ટો : ધૂળની ડમરી ઉડી : સુરતમાં સવારે ઝરમર વરસાદ : વાતાવરણમાં ઠંડક પ્રસરી : અમદાવાદમાં જોરદાર પવન ફૂંકાયા, ધૂળની ડમરીઓ ઉડી access_time 3:43 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • પાકિસ્તાનમાં ઇમરાનખાન વિરુદ્ધ 100 વર્ષની મહિલા લડશે ચૂંટણી ;ઇમરાનખાન પાંચ જગ્યાએથી ચૂંટણીમાં ઝુકાવશે ;મહિલા ઇમરાન સામે બે જગ્યાએથી ચૂંટણી લડશે :હજરત બીવી નામની આ મહિલાએ બનનું અને કે-પી એસેમ્બલી માટે પીકે-89 (બન્નુ 1110 ) થી નામાંકન દાખલ કર્યું છે કન્યા કેળવણીનો મુખ્ય ઉદેશ્ય access_time 1:23 am IST