Gujarati News

Gujarati News

News of Tuesday, 13th March 2018

ગાંધીનગરમાં તસ્કરોનો તરખાટ: સે-13માં બંધ મકાનનું તાળું તોડી તસ્કરોએ 1.43 લાખની મતાની ઉઠાંતરી કરી

ગાંધીનગર:શહેરમાં છેલ્લા ઘણાં સમયથી ઘરફોડ ચોરીના બનાવોમાં વધારો જોવા મળી રહયો છે. ત્યારે શહેરના સે-૧૩માં બંધ મકાનનું તાળું તોડીને તસ્કરો સોનાચાંદીના દાગીના અને રોકડ રકમ મળી ૧.૪૩ લાખની મત્તા ચોરીને પલાયન થઈ ગયા હતા. આ સંદર્ભે સે-૭ પોલીસ સ્ટેશનમાં ગુનો નોંધાતાં પોલીસે તસ્કરોને પકડી પાડવા માટે દોડધામ શરૃ કરી છે.

રાજયના પાટનગર ગાંધીનગર શહેરમાં ઘરફોડ ચોરીનું પ્રમાણ વધ્યુ છે અને આ ચોરી કરતાં તસ્કરો હજુ પકડાયા નથી તેમ છતાં અન્ય મકાનો પણ તસ્કરોના ટાર્ગેટ ઉપર આવી ગયા છે. શહેરના સે-૧૩/બીમાં પ્લોટ નં.૮૮૦/રમાં રહેતાં અને જીએસપીસીમાં નોકરી કરતાં નીરવભાઈ કીરીટકુમાર પંડયા ગત તા.૯મીએ સાંજે તેમનું મકાન બંધ કરીને અમદાવાદ લગ્ન પ્રસંગે ગયા હતા તે દરમ્યાન તસ્કરોએ તેમના બંધ મકાનને નિશાન બનાવ્યું હતું અને મકાનના મુખ્ય દરવાજાનું તાળું તોડી ઘરમાં પ્રવેશ કરી તીજોરીમાંથી ૭૦ હજાર રોકડા તેમજ સોનાચાંદીના દાગીના મળી ૧.૪૩ લાખની મત્તા ચોરી લીધી હતી.

દરમ્યાનમાં આજે સવારના સમયે નિરવભાઈના મકાનનો મુખ્ય દરવાજો ખુલ્લો જોઈ પાડોશીએ તેમને જાણ કરતાં તાબડતોડ તેઓ ઘરે પહોંચ્યા હતા અને તપાસ કરતાં મકાનમાં ચોરી થયાનો અંદાજ આવ્યો હતો. જેથી આ સંદર્ભે સે-૭ પોલીસને બનાવથી જાણ કરતાં પોલીસ સ્થળ ઉપર પહોંચી હતી અને ચોરીનો ગુનો નોંધી તસ્કરોને પકડી પાડવા દોડધામ શરૃ કરી હતી. એટલું જ નહીં આ મકાનની બાજુમાં આવેલા અન્ય એક મકાનમાં તસ્કરોએ નિશાન બનાવ્યું હતું. ગાંધીનગરમાં વધતી જતી ઘરફોડ ચોરીની ઘટનાને પગલે વસાહતીઓમાં પણ ભય ફેલાયો છે.

(6:28 pm IST)
  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST

  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST