Gujarati News

Gujarati News

News of Tuesday, 13th March 2018

સુરતના રૂ.૧૨ કરોડના બિટકોઇન પડાવી લેવાના કેસમાં હાઇકોર્ટ દ્વારા શૈલેષ ભટ્ટને રાહત

અમદાવાદ: અમરેલી પોલીસ દ્વારા રૂપિયા 12 કરોડના બિટકોઈન પડાવી લેવામાં આવ્યા હોવાની સીઆઈડી ક્રાઈમ બ્રાન્ચ સામે સુરતની બિલ્ડર શૈલેષ ભટ્ટે ફરિયાદ નોંધાવી હતી, જો કે ફરિયાદ થઈ તેના થોડાક સમયમાં શૈલેષ ભટ્ટ સામે કરજણ પોલીસમાં એક જમીનનો કેસ નોંધવામાં આવ્યો હતો, જેને શૈલેષ ભટ્ટે ગુજરાત હાઈકોર્ટમાં પડકારતા જસ્ટીશ જે દેસાઈએ કેસની તપાસ કરી રહેલા વડોદરા લોકલ ક્રાઈમ બ્રાન્ચને તપાસને રોકવા આદેશ આપ્યો છે.

બિટકોઈનના વ્યાપારને લઈ સેન્ટ્રલ એજન્સીઓ અને પોલીસ દ્વારા તોડ કરવામાં આવી રહ્યો હોવાની વ્યાપક ફરિયાદ ઉઠી હતી, પણ મામલે કોઈ ફરિયાદ કરવા તૈયાર થતાં ન્હોતા, પણ સુરતના બિલ્ડર શૈલેષ ભટ્ટના 12 કરોડના બિટકોઈન અમરેલી પોલીસ દ્વારા લઈ લેવામાં આવ્યા અને રૂપિયા 32 કરોડની માગણી કેસની પતાવટ માટે માંગવામાં આવી હોવાની ફરિયાદ સીઆઈડી ક્રાઈમ સામે થઈ હતી, જેના પ્રત્યાધાત રૂપે શૈલેષ ભટ્ટ ઉપર દબાણ વધારવા માટે ત્રણ વર્ષ જુના કેસની ફરી સજીવન કરી કરણજ પોલીસ દ્વારા ગુનો નોંધવામાં આવ્યો હતો.

શૈલેષ ભટ્ટે પોતાના કાઉન્સીલ રાજેશ રૂપારેલીયા મારફતે હાઈકોર્ટમાં પીટીશન કરી દાદ માગી હતી કે કેસ પહેલા તો ત્રણ વર્ષ જુનો છે, તેમજ જમીન વિવાદ અંગે દિવાની દાવો ચાલુ છે, જેમાં દિવાની કોર્ટ દ્વારા કોઈ કાર્યવાહી થઈ નથી, સાથે જમીનના સોદામાં તેમની પોતાની ભૂમિકા જમીન દલાલની છે. પરંતુ તેમણે પોલીસ સામે સીઆઈડી ક્રાઈમમાં ફરિયાદ કરી હોવાને કારણે તેમની સામે ફરિયાદ થઈ છે, તેથી ફરિયાદ રદ કરવામાં આવે, જસ્ટીશ જે દેસાઈએ વચગાળાના હુકમ તરીકે વડોદરા પોલીસને તેમની પાસે રહેલી તપાસને રોકવા આદેશ આપતાની સાથે હાલના તબ્બકે કોઈ પણ પ્રકારની ધરપકડ કરી કરવા આદેશ આપ્યો છે.

(6:21 pm IST)
  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા:2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા. access_time 6:24 pm IST