Gujarati News

Gujarati News

News of Tuesday, 13th February 2018

અમદાવાદની સાયક્લોથોનમાં વડોદરાની મહિલાઓ ટોપ-૩માં: અંડર ૪૦ અને અેબોવ ૪૦માં મેદાન માર્યું

વડોદરા, તા. 13 ફેબ્રુઆરી 2018 મંગળવાર અમદાવાદમાં યોજાયેલી 50 કિલોમીટરની સાયક્લોથોનમાં વડોદરાની મહિલાઓઅે બાજી મારી હતી. ૫૦ કિલોમીટરની આ રેસમાં અન્ડર ૪૦ અને એબોવ ૪૦ એમ બે કેટેગરીમાં સેંકડો સ્પર્ધકોએ ભાગ લીધો હતો. આ પૈકી એબોવ ૪૦ એટલે કે ૪૦ વર્ષથી વધુ વયજૂથની મહિલા સ્પર્ધકોમાં વડોદરાના સાયકલિસ્ટ મોનિકા જોષીએ પહેલો ક્રમ મેળવ્યો હતો. જ્યારે આ જ કેટેગરીમાં જાગૃતિ રાઠોડ ત્રીજા ક્રમે રહ્યા હતા. 

 

આ સીવાય ૪૦ વર્ષથી નીચેના વયજૂથના સ્પર્ધકોની કેટેગરીમાં જરૂલ વોરા ત્રીજા ક્રમે રહ્યા હતા. જ્યારે મૂળ વડોદરાના અને અમદાવાદમાં સ્થાયી થયેલા અર્પિતા પંડયાએ બીજો ક્રમ મેળવ્યો હતો. 

 

આ અગાઉ શનિવારે વ્યક્તિગત ટાઈમ ટ્રાયલ નામની સ્પર્ધા યોજાઈ હતી. જેમાં સ્પર્ધકે ઓછામાં ઓછા સમયમાં ૧૦ કિલોમીટર સાયકલ ચલાવવાની હતી. જેમાં પણ મોનિકાબેને ૨૦.૦૭ મિનિટમાં ૧૦ કિલોમીટર સાયકલ ચલાવીને બીજો ક્રમ મેળવ્યો હતો. આ મહિલાઓ વડોદરાની સાયકલ ક્લબ સાથે સંકળાયેલી છે. તેમણે શોખથી અને ફિટનેસને ધ્યાનમાં રાખીને સાયકલિંગની શરૂઆત કરી હતી. આજે તેઓ અલગ અલગ સાયકલિંગ સ્પર્ધાઓમાં પણ ભાગ લે છે.

(5:46 pm IST)
  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • હરિયાણામાં જાટો ઉપર થયેલ કેસો પાછા ખેંચવા થયેલ સમજૂતી : ગુજરાતમાં પાટીદારો સામે કયારે? :ચંદીગઢ : અખિલ ભારતીય જાટ અનામત સંઘર્ષ સમિતિ અને હરિયાણા સરકાર વચ્ચે સમજૂતી સઘાઈ ગઈ છે : હરિયાણા સરકારે જાટ આંદોલનકારીયો ઉપર દાખલ કરાયેલ બધા કેસો પાછા ખેંચવાની વાત માની લીધી હોવાનું રાજસ્થાન પત્રિકા નોંધે છે access_time 3:39 pm IST

  • યુનોની સુરક્ષા સમિતિએ (યુએનએસસીએ) ત્રાસવાદી સંસ્થાઓ ઉપરના પ્રતિબંધોને મંજૂરીની મહોર મારી: અલ કાઈદા, તેહરી કે તાલીબાન પાકિસ્તાન, લશ્કર એ જહાન્વી, જમાત - ઉદ્દ - દવા (જેયુડી), ફલાહ - એ - ઈન્સાનીયત ફાઉન્ડેશન (એફઆઈએફ), લશ્કર-એ-તૈયબા (એલઈટી) અને બીજા ત્રાસવાદી સંસ્થાઓનો સમાવેશ થાય છે access_time 11:37 am IST