Gujarati News

Gujarati News

News of Tuesday, 13th February 2018

થરાદમાં નર્મદા કેનાલના કનેકશન કાપી નખાતા ખેડૂતોમાં ભારે રોષઃ સઘન પોલીસ બંદોબસ્‍ત ગોઠવાયો

નર્મદા યોજનામાં આ વખતે રાજ્ય સરકાર કરકસર કરી અને પાણી આપનાર છે. ખુદ મુખ્‍યમંત્રીઅે પણ આ વર્ષે ઉનાળુ પાક નહીં લેવા ખેડૂતોને બે હાથ જોડી વિનંતી કરી છે. ત્‍યારે આ કરકસરના ભાગરૂપે બનાસકાંઠા જિલ્લાના થરાદમાં નર્મદા કેનાલ પરના પાણીના કનેક્શન કાપી નાખવામાં આવ્યા છે, જેને કારણે ખેડૂતોમાં રોષ ફેલાયો છે. નોંધનીય છે કે,  ગંભીરપુરા અને ઉચપામાં નર્મદાની માઈનોર કેનાલ પર કનેક્શન કાપવામાં આવ્યા છે. અને નર્મદા વિભાગના અધિકારીઓએ કાર્યવાહી કરીને કેનાલમાં લગાવાયેલી પાઈપો કાપી નાંખી છે જેના કારણે સિંચાઈના પાણીની અછત વર્તાઈ છે. ખેડૂતો તેમના પાકને બચાવી રાખવા માટે કેનાલમાંથી પાણી લઈ રહ્યા હતા. ત્‍યારે કનેકશનો કાપી નખાતા ખેડૂતોમાં રોષ ફેલાયો છે. આ રોષ જોઇને કેનાલ ઉપર એસઆરપી અને પોલીસ કાફલો પણ તૈનાત કરાયો છે.

(5:36 pm IST)
  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • ત્રિપુરામાં ચૂંટણી પ્રચાર બાદ દક્ષિણનો કિલ્લો કર્ણાટકમાં વડાપ્રધાન મોદી અને અમિતભાઇ શાહ ઘૂમી વળશે :કોંગ્રેસ પાસેથી કર્ણાટક છીનવવા કરશે કવાયત :મોદી અને શાહના કરિશ્માથી પ્રચાર અભિયાન આગળ ધપાવી કર્ણાટક કરશે કબ્જે access_time 11:26 pm IST

  • મહિસાગરમાં જિલ્લામાં અનેક ખેડૂતો સાથે ૧૫ કરોડની છેતરપીંડી કરનાર કંપનીના સીઈઓ અને એમડીની પોલીસે ધરપકડ કરી access_time 3:42 pm IST