Gujarati News

Gujarati News

News of Sunday, 13th January 2019

રાજ્યમાં 2420 હેકટર જમીનમાં 16 નવી જીઆઇડીસી બનાવશે :માઈક્રો,નાના અને લઘુ ઉદ્યોગોને મળશે રાહત

મોટાભાગની વસાહતો માટે જમીન સંપાદનની પ્રક્રિયા લગભગ પૂર્ણ

 

અમદાવાદ :માઇક્રો, નાના અને મધ્યમ સાહસો (MSME)ને પ્રોત્સાહન આપવા માટે ગુજરાત સરકારે રાજ્યમાં 2,420 હેકટર જમીનમાં 16 નવી GIDC એસ્ટેટની યોજના બનાવી છે. યોજનામાં ચાર GIDC કાર્યરત થઈ ગઇ છે, બાકીની વિકાસના વિવિધ તબક્કામાં છે, જેમાં ઇન્ફ્રાસ્ટ્રક્ચર ડેવલપમેન્ટ અને જમીન સંપાદનનું કાર્ય બાકી છે.

 ગુજરાત ઇન્ડસ્ટ્રીયલ ડેવલપમેન્ટ કોર્પોરેશન (GIDC) ના વાઇસ ચેરમેન અને મેનેજિંગ ડિરેક્ટર ડી થારાએ જણાવ્યું હતું કે નવી GIDCનો હેતુ રાજ્યના વિવિધ સ્થળોએ 8,000 નવા MSME એકમો માટે સુવિધા ઉભી કરવાનો છે. મોટાભાગની વસાહતો માટે જમીન સંપાદનની પ્રક્રિયા લગભગ પૂર્ણ થઈ ગઈ છે.

 થારાએ જણાવ્યું હતું કે આગામી મહિનાઓમાં વધુ GIDC એસ્ટેટની જાહેરાત થઈ શકે છે. અમે મલ્ટી સેક્ટર ઔદ્યોગિક વિકાસ પર ધ્યાન કેન્દ્રિત કરી રહ્યા છીએ. જો કે ઓટો સેક્ટર માટે મોટા પ્લોટ પણ ઉભા કરવામાં આવી રહ્યાં છે. આણંદ જિલ્લાના તારાપુર તાલુકાના વણોદમાં, અમદાવાદ જિલ્લાના વિરમગામ તાલુકામાં ભાગપુર અને ભાવનગર જિલ્લામાં નવા-માધિયામાં GIDC ફેલાયેલી હશે.

  ઉપરાંત રાજકોટના લોધિકા તાલુકામાં GIDCની યોજના છે, જ્યારે કચ્છમાં મોતીચિરાઇમાં નવી GIDC બનાવવામાં આવી છે. સુરતના બારડોલી તાલુકામાં મિયાવાડી, કચ્છના રાપર તાલુકામાં ચિત્રોડ, દાહોદમાં ખારેડી અને અમરેલી જિલ્લામાં સાવરકુન્ડલામાં એસ્ટેટ બનશે.

 સરાકરના આયોજન પ્રમાણે પાટણના હારીજમાં, અમરેલીના લાઠીમાં, અરવલ્લીના મોડાસાના ગામ શિનવાડામાં, મોરબીના ટંકારામાં અને જાનગરના ધ્રોલમાં નવી GIDCનું આયોજન કરવામાં આવ્યું છે. તમામ GIDC માટે 2420 હેક્ટર જેટલી જમીન સંપાદન કરવામાં આવી છે.

(11:45 pm IST)
  • ટ્રેનના ડબ્બાના ગેટ પર લગાવેલ લીલી બત્તી બતાવશે કે હવે ટ્રેન ઉપડવાની છે :મુંબઈની લોકલ ટ્રેનોમાં ચડતી વેળાએ કોઈ યાત્રી દુર્ઘટનાનો શિકાર ના બને એટલા માટે નવો આઈડિયા અપનાવ્યો ;ટ્રેનના ડબ્બાના ગેટ પર લીલી બત્તીથી મુસાફરોને ટ્રેન ઉપડવાનો આપશે સંકેત access_time 1:37 am IST

  • કર્ણાટકમાં ભાજપનું 'ઓપરેશન લોટ્સ ' કર્નાટકના મંત્રી ડી કે. શિવકુમારે કહ્યું કે રાજ્યની ગઠબંધન (કોંગ્રેસ- જેડીએસ) સરકારને હટાવવા માટે ભાજપનું ‘ઓપરેશન લોટસ’ ચાલી રહ્યું છે.:તેમણે આરોપ લગાવ્યો છે કે કોંગ્રેસના ત્રણ ધારાસભ્ય મુંબઇની એક હોટલમાં ભાજપના કેટલાક નેતાઓ સાથે છે. access_time 1:38 am IST

  • કેન્દ્રીયમંત્રી નીતિન ગડકરીએ સાહિત્ય સંમેલનમાં કહ્યું ,નેતાઓએ બીજા ક્ષેત્રોમાં દખલગીરી કરવી જોઈએ નહીં :અત્રે ઉલ્લેખનીય છે કે આ સંમેલન લેખિકા નયનતારા સહગલને અપાયેલા નિમંત્રણ પાછું લેવાના કારણે વિવાદમાં સપડાયું છે :ગડકરીએ આ વિવાદ અંગે સીધો ઉલ્લેખ કર્યા વગર કહ્યું કે નેતાઓએ અન્ય ક્ષેત્રોમાં દાખલ ના કરવી જોઈએ access_time 1:38 am IST