Gujarati News

Gujarati News

News of Friday, 12th October 2018

અમદાવાદ જિલ્લાના સાણંદ ઇન્‍ડસ્‍ટ્રીયલ અેસ્ટેટમાંથી હિજરત કરી ગયેલા કામદારો પરત આવતા ઉદ્યોગકારોમાં રાહત

અમદાવાદ જિલ્લાના સાણંદ ઇન્‍ડસ્‍ટ્રીયલ અેસ્ટેટમાંથી હિજરત કરી ગયેલા કામદારો પરત આવતા ઉદ્યોગકારોમાં રાહત

અમદાવાદ: છેલ્લા એક અઠવાડિયામાં સાણંદ ઈન્ડસ્ટ્રીયલ એસ્ટેટમાંથી 4000 જેટલા નોન-ગુજરાતી કામદારોએ હિજરત કરતાં ઉદ્યોગકારો ચિંતામાં ગરકાવ થયા હતા. જો કે, હવે કામદારોએ પાછા ફરવાનું શરૂ કરતાં ઉદ્યોગકારોએ રાહતનો શ્વાસ લીધો છે. સાણંદ ઈન્ડસ્ટ્રીયલ એસ્ટેટના પ્રતિનિધિઓએ જણાવ્યું કે, એક-બે દિવસમાં કામદારો ફરીથી કામ શરૂ કરી દેશે તેવી આશા છે.

સાણંદ ઈન્ડસ્ટ્રીઝ અસોસિએશનના પ્રમુખ અજિત શાહે જણાવ્યું કે, “સુરક્ષાને ધ્યાનમાં રાખીને અમે કેટલાક કામદારોને શિરડીની જાત્રાએ મોકલ્યા હતા. હવે મોટાભાગના કામદારો પરત આવી ગયા છે અને તેમણે અમને ખાતરી આપી છે કે તેઓ એક-બે દિવસમાં ફરીથી કામકાજ શરૂ કરશે. તો બીજી તરફ ફેક્ટરી માલિકો જે કામદારો પોતાના ગામડે જતાં રહ્યા છે તેમને ગુજરાત પાછા આવવા માટે સતત ફોન કરી રહ્યા છે. કામદારો અહીં સુરક્ષિત છે તેવી ભાવના સતત તેમનામાં જાગૃત કરવામાં આવી રહી છે. સાથે વર્ક્સનો ટ્રાવેલિંગનો ખર્ચો પણ અમે ઉપાડવા તૈયાર છીએ.”

છેલ્લા થોડા દિવસથી ઉત્પાદન બંધ થઈ જતા ઉદ્યોગકારોને નુકસાન વેઠવાનો વારો આવ્યો છે. કન્સ્ટ્રક્શન માટે વપરતાં સાધનોનું ઉત્પાદન કરતા યુનિટના માલિક નીરજ શાહે કહ્યું કે, “વર્ક્સ છેલ્લા 4-5 દિવસથી યુનિટમાં આવતા નથી જેના કારણે કામકાજ મંદ પડ્યું છે. મોટાભાગના વર્ક્સ જતા રહ્યા છે જેના કારણે દરરોજનો ટાર્ગેટ પૂરો નથી થઈ શકતો. અમુક વર્ક્સ હવે પાછા આવી ગયા છે ત્યારે અમને આશા છે આગામી બે દિવસમાં યુનિટ્સ ફરીથી ધમધમતાં થશે.”

પરપ્રાંતીય કામદારોએ હિજરત કરતાં ઈન્ડસ્ટ્રીયલ યુનિટ્સને કામ ચાલુ રાખવા માટે વધારે રૂપિયા ખર્ચવા પડ્યા. નીરજ શાહે વધુમાં કહ્યું કે, “અમે ધંધો સંપૂર્ણપણે તો બંધ ના કરી શકીએ એટલે સ્થાનિક કામદારોની મદદ લઈને જે-તે કામકાજ ચાલુ રાખ્યું. સ્થાનિક કામદારો દોઢ ગણો પગાર માગે છે જે રોજિંદા ધોરણે પોસાય તેમ નથી.”

(6:00 pm IST)
  • ગુજરાતમાં 'લોબાન' વાવાઝોડાનો ખતરો? : દેશના દરિયાકાંઠાના તમામ રાજયો એલર્ટ : દરિયામાં ઉંચા મોજા ઉછળવાની શકયતા : અરબી સમુદ્રમાં સર્જાયુ સાયકલોનીક એર સરકયુલેશન : દક્ષિણ ગુજરાત ભારે પવન ફૂંકાવાની શકયતા : નેશનલ ઈમરજન્સી રિસ્યોન્સ સેન્ટરે આપ્યુ એલર્ટ : ૮૦ થી ૧૩૫ કિ.મી.ની ઝડપે પવન ફૂંકાશે access_time 3:28 pm IST

  • આજે પણ ફરી અમેરિકી શેરબજાર થયું ધબાય નમઃ : ડાઉ જોન્સ 545 પોઇન્ટ તૂટ્યો : વૈશ્વિક અર્થતંત્ર પર ફરી માઠા પરિણામની સેવાય રહેલી આશંકા access_time 1:45 am IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST