Gujarati News

Gujarati News

News of Friday, 12th July 2019

વીજળીની બાબતમાં સરકાર પરાધીન? ખાનગી કંપનીઓ પાસેથી જંગી વીજ ખરીદીના કરાર

અદાણીના યુનિટના રૂ. ૩.૮૪, એસ્સારના ૩.૧૩, એ.સી.બી. ઇન્ડિયાના ૧.૯૭

ગાંધીનગર તા. ૧ર :.. રાજય સરકારે ખાનગી કંપનીઓ પાસેથી વિજળી ખરીદવા કરેલી કરાર અંગે ધારાસભ્ય ઇમરાન ખેડાવાલાએ વિધાનસભામાં પ્રશ્ન પુછતા ઉર્જા મંત્રીએ આંકડાકીય માહિતી આપી હતી. અદાણી પાવર પાસેથી ર૦૧૯-ર૦ મુજબ (પ્રોવીઝનલ) યુનિટ દિઠ રૂ. ૩.૮૪, એસ્સાર પાસેથી રૂ. ૩.૧૩, એસીબી ઇન્ડિયા પાસેથી ૧.૯૭ અને કોસ્ટલ ગુજરાત પાવર કંપની પાસેથી ર.૭૯ રૂપિયાના યુનિટ લેખે ખરીદવા કરાર કરવામાં આવેલ છે. રાજય સરકારના તા. ૧-૧ર-ર૦૧૮ ના નિતી વિષયક નિર્ણય મુજબ ગુજરાત ઉર્જા વિકાસ નિગમ લી. દ્વારા તા. પ-૧ર-૧૮ ના રોજ મે. અદાણી મુન્દ્રા પાવર લી. સાથે સપ્લીમેન્ટલ કરાર થકી ર૦૦ મે. વો. (બીડ-૧) અને ર૩૪ મે. વો. (બીડ-ર) વધારાની વીજ ક્ષમતા કરારીત કરવામાં આવેલ છે. ઉપરોકત વધારાની વીજ ક્ષમતા માટે કાર્યકાળ અને ફિસ્ક ચાર્જની ચુકવણી મુળ વિજ કરાર મુજબ રહેશે. વધુમાં, ઉપરોકત રાજય સરકારના નિર્ણય મુજબ, કોસ્ટલ ગુજરાત પાવર લી., અદાણી પાવર અને એસ્સાર પાવરને કરાર હેઠળ માનનીય વિજ નિયમન આયોગની મંજૂરી મેળવ્યા બાદ, બળતણ ખર્ચ અન્વયે હકિકતમાં થયેલ ખર્ચની ચુકવણી કરવાની રહેશે.

(5:07 pm IST)
  • આસામના ૧૭ જીલ્લામાં પુરપ્રકોપઃ૪ લાખ લોકો માઠી અવસ્થામાં : પૂર્વોતર રાજય આસામમાં ર૩ જીલ્લા પૈકી ૧૭માં પુરઃ ૪.ર૩ લાખ લોકોને માઠી અસરઃ આ લોકો સામે પાણી-ભોજનનું સંકટઃ ભારે વરસાદ-પુરથી ૩ ના મોતઃ ૧૧ જીલ્લાઓમાં પુરઃ ઠેરઠેર રાહત-શિબીરો ઉભી કરાઇ access_time 3:59 pm IST

  • કર્ણાટકમાં રાજકીય સંકટ:કોંગ્રેસના કાકડાટ બાદ ભાજપમાં પણ ધમાસાણ :જેડીએસને મુખ્યમંત્રી પદ આપવા મામલે ભાજપમાં ડખ્ખો : કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદ ;કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર access_time 1:04 am IST

  • કન્નોજનો હૃદયદ્રાવક કિસ્સો : અનાજ માટે ટળવળતા બાળકની દશા સહન નહી થતા માંએ બાળકનું ગળુ દબાવીને હત્યા કરી નાખી :ભુખથી ટળવળી રહેલા બાળકોની ચીસોથી ક્ષુબ્ધ થયેલી માતાએ આ અત્યાંતીક પગલું ભર્યું :પોસ્ટ મોર્ટમમાં બાળકની હત્યાની પૃષ્ટી access_time 1:03 am IST