Gujarati News

Gujarati News

News of Thursday, 12th July 2018

ગાંધીનગર નજીક ઝુંડાલ પાસે યુગલે કેનાલમાં ઝંપલાવ્યું

ગાંધીનગર:જિલ્લામાંથી પસાર થતી નર્મદા કેનાલમાં આપઘાતના બનાવો સતત વધી રહયા છે ત્યારે આજે સવારના સમયે શહેર નજીક આવેલા ઝુંડાલ પાસેથી પસાર થતી કેનાલમાંથી યુગલનો હાથે દુપટ્ટો બાંધેલી હાલતમાં મૃતદેહ મળી આવ્યો હતો. ગઈકાલે આ યુગલ ઈન્ટરવ્યુના બહાને નીકળ્યું હતું. આ સંદર્ભે અડાલજ પોલીસે અકસ્માત મોતનો ગુનો નોંધી વધુ તપાસ શરૃ કરી છે તો બીજી બાજુ લીંબડીયા કેનાલમાં પણ યુવાને આપઘાત કરી લીધો હતો. ગાંધીનગર જિલ્લામાંથી પસાર થતી નર્મદા કેનાલ આમ તો પાણી પુરવઠા માટે બનાવી હતી પરંતુ હાલ તે આપઘાતના હોટસ્પોટ સમાન બની ગઈ છે. ત્યારે રોજીંદી કેનાલમાં આપઘાતની ઘટનાઓ બનતી રહે છે. આજે સવારના સમયે ઝુંડાલ નર્મદા કેનાલમાંથી એક યુવક અને યુવતિનો હાથે દુપટ્ટો બાંધેલી હાલતમાં મૃતદેહ મળી આવતાં અડાલજ પોલીસને જાણ કરી હતી જેથી જમાદાર નરેન્દ્રભાઈ સ્થળ ઉપર પહોંચ્યા હતા. તપાસમાં આ યુવાન નવા વાડજ કુબેર જમાદારની ચાલીમાં રહેતો મિથુન મનોજભાઈ પાંચુમાંડલ અને ચાંદખેડામાં રહેતી ર૦ વર્ષીય યુવતિ નેહા રમેશભાઈ નીંબેચ હોવાનું બહાર આવ્યું હતું. યુવક-યુવતિ ગઈકાલે ઘરેથી ઈન્ટરવ્યુ આપવાના બહાને નીકળી ગયા હતા. આ અંગે અડાલજ પોલીસે વધુ તપાસ શરૃ કરી છે તો બીજી બાજુ શહેર નજીક આવેલા લીંબડીયા નર્મદા કેનાલમાં પણ અમદાવાદના બાપુનગરમાં રહેતા યુવાન જગદીશ જશવંત ઝાલાએ આપઘાત કરી લીધો હતો. બાઈક લઈને કેનાલ ઉપર પહોંચેલા યુવાને પોતાના પિતાને આપઘાત કરવા અંગેની જાણ કરી હતી જેથી રાત્રે તેની કેનાલમાં શોધખોળ કરવામાં આવી હતી પરંતુ તેનો મૃતદેહ આજે સવારે મળી આવ્યો હતો. આ અંગે ડભોડા પોલીસને જાણ કરાતાં ગુનો નોંધી વધુ તપાસ શરૃ કરી છે. પ્રાથમિક તપાસમાં યુવાને આર્થિક સંકડામણથી કંટાળી આ પગલું ભર્યું હોવાનું જાણવા મળી રહયું છે.

(6:07 pm IST)
  • બિહારમાં દારૂબંધી મામલે નીતીશકુમારની સરકારનો યુ ટર્ન :મકાન જપ્તી અને ધરપકડ મુદ્દે મળશે રાહત :દારૂબંધી કાયદામાં સંશોધન બિલને કેબિનેટે આપી મંજૂરી :ચોમાસુ સત્રમાં વિધાનસભામાં રજૂ કરાશે :જ્યાં પસાર થયા બાદ રાજ્યપાલની મંજૂરી માટે મોકલાશે ;સંશોધનમાં સામુહિક દંડની જોગવાઈને પણ રદ કારાઈ છે access_time 1:17 am IST

  • સુરત સચિન જીઆઇડીસી પોલીસ સ્ટેશન પાછળ ગોડાઉનમાં રખાયેલ EVM મશીન પાણી ડૂબ્યા:ગડાઉનમાં પાણી ઘુસ્યા access_time 10:03 pm IST

  • અમરેલી :રાજુલાના હિંડોરણા ચોકડી પાસે ક્રિષ્ના ટાયર્સના કારખાનામાં ભીષણ આગ ભભૂકી :મુશળધાર વરસાદ વચ્ચે આગ લાગી :કારખાના આસપાસ મચી અફડા તફડી :સ્થાનિક લોકો દ્વારા આગ પર કાબુ મેળવવા પ્રયાસ :શોર્ટ સર્કિટના કારણે આગ લાગી હોવાનુ સ્થાનિક લોકો નું અનુમાન access_time 10:02 pm IST