Gujarati News

Gujarati News

News of Friday, 11th January 2019

માંગરોળ તાલુકાના કોસંબામાં એટીએમમાં સીસીટીવી પર સ્પ્રે મારી મશીન કાપી ચોરીનો પ્રયાસ થતા અરેરાટી

માંગરોળ: તાલુકાના કોસંબા ગામે આવેલા એસબીઆઈ બેંકના એટીએમ મશીનને ગેસ કટરથી કાપી ચોરીનો પ્રયાસ થયો હતો. ચોરી કરવા આવનાર શખ્સે સીસીટીવી કેમેરા પર કાળા રંગનું સ્પ્રે મારી દેતા ઓળખ થઈ શકે તેમ નથી.

કોસંબા ગામમાં યુનુસ મહમદ ઝુલ્લાની દુકાનમાં એસ.બી.આઈ. બેંકના એટીએમ મશીન મૂકવામાં આવેલુ છે. તા. ૬-૧-૧૯ ની રાત્રિના સમયે અજાણ્યા શખ્સે ગેસકટર વડે એટીએમ મશીન કાપીને તોડફોડ કરી હતી. પરંતુ એટીએમ ન તૂટતા અંદર લોડ કરેલા રૂ. ૧૪ લાખ સલામત હતા. યુનુસભાઈએ એટીએમમાં નાણાં જમા કરતી કંપનીના અધિકારી મુબારક મુસ્તાક પટેલને જાણ કરતા કંપનીના અધિકારીઓએ સ્થળ પર જઈ તપાસ કરતા એટીએમ ગેસ કટરથી કાપી ચોરી કરવાનો પ્રયાસ કરનાર શખ્સે રાત્રે બે વાગે એટીએમમાં ઘૂસી કેમેરા પર કાળા રંગનું સ્પ્રે કરી દેતા શખ્સનો ચહેરો દેખાતો નથી. મુબારક પટેલે હેડ ઓફિસ જાણ કરી જરૂરી કાર્યવાહી બાદ બુધવારે કોસંબા પોલીસમાં ચોરીના પ્રયાસની ફરિયાદ નોંધાવતા પોલીસે વધુ તપાસ હાથ ધરી છે.

(5:30 pm IST)
  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST