Gujarati News

Gujarati News

News of Friday, 11th January 2019

વડોદરા-અમદાવાદ હાઇવે પર ટ્ર્કના ચાલકને માર મારી ટોળકીના બે સભ્યોએ લૂંટ ચલાવતા ગુનો દાખલ

વડોદરા:વડોદરા-અમદાવાદ એક્સપ્રેસ હાઇવે પર વડોદરા તરફના ટોલનાકાથી બે કિ.મી. દુર મોડી રાત્રે  ટ્રકના  ચાલકને નજીકની ઝાડીઓમાં ખેંચી જઇ માર માર્યા બાદ લૂંટી લેનાર દાહોદ જિલ્લાની ટોળકીના સાત સભ્યો પૈકી બેને તાલુકા પોલીસે ઝડપી પાડયા છે જ્યારે એક યુવતી સહિત પાંચની ધરપકડ કરવા પોલીસે ચક્રો ગતિમાન કર્યા છે.

રાજસ્થાનના જોઘપુર જિલ્લાના ભોપાલગઢ તાલુકામાં જાલામલિયા ગામમાં રહેતો મહિરામ રત્નારામ બિસ્નોઇ ટ્રક લઇને મુંબઇથી વિરમગામ સ્ક્રેપ ખાલી કરવા  જતો હતો ત્યારે તા.૩૦ની રાત્રે વડોદરાથી અમદાવાદ એક્સપ્રેસ હાઇવે પર આજોડ ગામની સીમમાં કેટલાક શખ્સોએ તેને માર મારી લૂંટી લેવાની ઘટના તાલુકા પોલીસ સ્ટેશનમાં નોંધાઇ હતી. લૂંટની આ ઘટના બાદ તાલુકા પોલીસ સ્ટેશનના પીએસઆઇ ટી.બી. પંડયા તેમજ સ્ટાફના માણસોએ ચાર ટીમો બનાવીને હાઇવે પર ટ્રક ચાલકોને લૂંટતી લૂંટારૃ ટોળકીને ઝડપી પાડવા કવાયત હાથ ધરી હતી.

(5:25 pm IST)
  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST

  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST