Gujarati News

ગાંધીનગરમાં મુખ્યપ્રધાન વિજયભાઈ  રૂપાણી, ઉર્જા પ્રધાન સૌરભ પટેલ તથા ગૃહરાજય પ્રધાન પ્રદિપસિંહ જાડેજા વચ્ચે બેઠક મળી હતી. સીએમ ઓફિસમાં મળેલી આ બેઠકમાં રાજયની વર્તમાન રાજકીય પરિસ્થિતિ અને કોંગ્રેસના ભારત બંધમાં કાયદો વ્યવસ્થા અંગે ચર્ચા થઈ હતી. સાથે જ વડાપ્રધાન નરેન્દ્ર મોદીના જન્મદિવસની એક સપ્તાહ સુધી ઉજવણી કરવા અંગે પણ ચર્ચા થઈ હતી.

સરકાર અને ભાજપ સંગઠન વચ્ચે પીએમ મોદીના જન્મદિવસની ઉજવણીને લઈને કાર્યકમ માટે ચર્ચા કરવામાં આવી. જેમાં સ્વચ્છતા, આરોગ્ય સહિત વિવિધ કાર્યક્રમોની એક સપ્તાહ સુધી ઉજવણી કરવા ચર્ચા થઈ હોવાનું જણાયું છે. તો આ મુદ્દે વધુ ચર્ચા કેબીનેટની બેઠકમાં થઈ શકે છે.