Gujarati News

Gujarati News

News of Saturday, 11th August 2018

અંકલેશ્વરમાં ગ્રાહકના સ્વાંગમાં આવીને કપડાંની ચોરી :ઘટના સીસીટીવીમાં કેદ

બે અજાણ્યા સ્ત્રી-પુરૂષ ખરીદીણ બહાને આવીને 10 થી 12 જેટલા શર્ટ ચોરી ગયા

અંકલેશ્વરનાં જીઆઈડીસી વિસ્તારમાં જલધારા ચોકડી પાસે આવેલા આઈ 10 કોમ્પલેક્ષમાં રેડીમેડ ગારમેન્ટની દુકાનમાંથી તૈયાર શર્ટની ચોરી થઈ હતી. જેમાં ગ્રાહકનાં સ્વાંગમાં આવેલા સ્ત્રી-પુરૂષે ચોરીને અંજામ આપ્યો હતો. સમગ્ર ઘટનાક્રમ સીસીટીવી કેમેરામાં કેદ થઈ ગયો હતો. દુકાન માલિકે સમગ્ર ઘટના સંદર્ભે જીઆઈડીસી પોલીસ મથકે લેખિત રજૂઆત કરી હતી.

  અંગેની વિગત મુજબ અંકલેશ્વર જીઆઈડીસી વિસ્તારમાં આવેલ ગોલ્ડન પોઈન્ટ ચોકડી પાસે વલ્લભ સૃષ્ટી ખાતે રહેતા સાગર પ્રવીણભાઈ કાનાણી તૈયાર ગારમેન્ટના વ્યવસાય સાથે સંકળાયેલા છે. તેઓ જીઆઈડીસી વિસ્તારનાં જલધારા ચોકડી ખાતે આવેલા આઈ10 કેમ્પલેક્ષમાં ગારમેન્ટની દુકાન ધરાવે છે. તેઓ બપોરનાં સમયે જમવા અર્થે ઘરે આવ્યા હતા. તે દરમિયાન તેમનો સેલ્સમેન દુકેના હતો. તેવામાં બે અજાણ્યા સ્ત્રી-પુરૂષ ખરીદી કરવા માટે આવ્યા હતા. જેમણે શર્ટ ખરીદવાના છે તેમ કહેતાં સેલ્સમેને કપડાં બતાવ્યા હતા.

  ખરીદીનાં બહાને આવેલા સ્ત્રી-પુરૂષ પૈકી સ્રીએ દુકાનનાં સેલ્સમેનની નજર ચૂકવી અંદાજે 10થી 12 જેટલાં શર્ટ પોતાની ઓઢણીમાં છુપાવી લીધા હતા. બાદમાં સાગરભાઈ જમીને પરત આવતાં સેલ્સેમેને દુકાનમાંથી કંઈક ચોરી થઈ હોવાનું કહેતાં તેમણે દુકાનમાં લાગેલા સીસીટીવી ફૂટેજ ચેક કર્યા હતા. તેમાં અજાણી મહિલા દ્વારા શર્ટની ચોરી કરવામાં આવી હોવાનું જણાઈ આવ્યું હતું. બાબતની જાણ સાગર કાનાણીએ જીઆઈડીસી પોલીસ મથકે લેખિતમાં કરી હતી.

(8:27 pm IST)
  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST

  • નરેન્દ્ર મોદી આઈઆઈટી મુંબઈના ૫૬માં દિક્ષાંત સમારોહમાં સામેલ થયાઃ વિદ્યાર્થીઓને કર્યુ સંબોધનઃ સમગ્ર દેશ આઈઆઈટીના વિદ્યાર્થીઓ પાસેથી પ્રેરણા મેળવે છે અને વિદેશમાં પણ આપણા વિદ્યાર્થીઓ સફળ રહ્યા છે access_time 3:35 pm IST

  • કેનેડાના નોર્થ બ્રન્સવિકમાં આડેધડ ફાયરિંગ : 4 લોકોના મોત : ઘરની બહાર ન નીકળવા પોલીસની સૂચના : એક આરોપીની ધરપકડ access_time 8:20 pm IST