Gujarati News

Gujarati News

News of Friday, 11th June 2021

અમદાવાદમાં ગ્રામ્ય વિસ્તારોમાં કોરોના રસી ન લીધી હોય અથવા તો કોરોના રિપોર્ટ નેગેટીવ ન આવ્યો હોય તેવા વેપારી-ફેરીયાઓ ધંધો નહીં કરી શકેઃ જીલ્લા કલેકટરનું જાહેરનામુ

અમદાવાદ: અમદાવાદ જિલ્લા કલેકટર દ્વારા આજે અમદાવાદ ગ્રામ્ય વિસ્તારોમાં વેપાર કે રોજગાર કરતા કર્મચારીઓ અને ફેરિયાઓ માટે જાહેરનામું બહાર પડ્યું છે અને વેપાર કરવા માટે કોરોનાની રસી કે કોરોનાનો રિપોર્ટ નેગેટિવ હોય તે ફરજીયાત કરી દેવાયું છે. અમદાવાદના ગ્રામ્ય વિસ્તારોમાં વેકસીન ન લીધી હોય અથવા કોરોના રિપોર્ટ નેગેટિવ ન હોય તો વેપાર નહીં કરી શકાય. જો વેકસીન ન લીધી હોય તો છેલ્લા 10 દિવસમાં કરાવેલો કોરોના નેગેટિવ રિપોર્ટ જોઈશે.

અમદાવાદ જિલ્લાના એડી. કલેકટર હર્ષદ વોરાએ આજે જાહેરનામું બહાર પડ્યું છે જેમાં 12 જૂનથી 11 જુલાઈ દરમિયાન 1. શાકભાજીના છૂટક જે જથ્થાબંધ વિક્રેતા, 2. હોટેલ, રેસ્ટોરન્ટમાં કામ કરતા તમામ, 3. ખાણીપીણીની લારીવાળા, 4. રીક્ષા, ટેક્ષી, કેબ ભાડે ફરતા વાહનોના ડ્રાઇવર, 5. પાનના ગલ્લા, ચાની કીટલી, દુકાન સંચાલક, 6. હેરસલૂન, બ્યુટીપાલર કામ કરનારા, 7. ખાનગી સિક્યુરિટી ગાર્ડ, 8. સ્વરોજગાર મેળવતા કારીગર સુથાર, લુહાર, ઇલેક્ટ્રિશિયન, પ્લમ્બર, ટેક્નિશિયન અને 9. શોપિંગ મોલ અને શોપિંગ કોમ્પલેક્ષ કર્મચારીઓ માટે વેકસીન ફરજીયાત કરી દેવાઈ છે. ઉપરોકત તમામ લોકોએ વેકસીન કે કિરોના રિપોર્ટ નેગેટિવ હોય તે દર્શવવો પડશે.

આ લોકોએ તા.12 જૂનથી 11 જુલાઈ દરમિયાન વેકસીન લેવી ફરજીયાત

1. શાકભાજીના છૂટક જે જથ્થાબંધ વિક્રેતા

2. હોટેલ, રેસ્ટોરન્ટમાં કામ કરતા તમામ

3. ખાણીપીણીની લારીવાળા

4. રીક્ષા, ટેક્ષી, કેબ ભાડે ફરતા વાહનોના ડ્રાઇવર

5. પાનના ગલ્લા, ચાની કીટલી, દુકાન સંચાલક

6. હેરસલૂન, બ્યુટીપાલર કામ કરનારા

7. ખાનગી સિક્યુરિટી ગાર્ડ

8. સ્વરોજગાર મેળવતા કારીગર સુથાર, લુહાર, ઇલેક્ટ્રિશિયન, પ્લમ્બર, ટેક્નિશિયન

9. શોપિંગ મોલ અને શોપિંગ કોમ્પલેક્ષ કર્મચારી

(4:58 pm IST)
  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST