Gujarati News

Gujarati News

News of Friday, 11th June 2021

જય જવાન જય કિસાનનો નારો વાસ્તવિક જીવનમાં સ્વ. રાજેશ પાયલોટે ચરિતાર્થ કરેલ : શક્તિસિંહ ગોહિલ

કોંગ્રેસના રાજયસભાના સાંસદ અને એઆઈસીસીના સદસ્ય શ્રી શક્તિસિંહ ગોહિલે આજે ટ્વિટ કરી સાથી મિત્ર અને કોંગ્રેસના દિગ્ગજ એવા સ્વર્ગસ્થ રાજેશ પાયલોટની  પુણ્યતિથીએ તેમને યાદ કરી શ્રધ્ધાસુમન અર્પણ કરતા લખ્યું છે કે મારા મિત્ર અને ખેડૂતોના સંઘર્ષના સાથી સ્વર્ગસ્થ રાજેશ પાયલોટની આજે પુણ્યતિથિ છે. હું તેમની ગેરહાજરી સતત અનુભવી રહ્ના છું. જય જવાન જય કિસાનનો નારો વાસ્તવિક અર્થમાં ચરિતાર્થ તેમણે કર્યો હતો. આજે તેમની પુણ્યતિથિએ હું તેમને શ્રદ્ઘાસુમન અર્પણ કરું છું.

 

(12:15 pm IST)
  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST