Gujarati News

Gujarati News

News of Tuesday, 11th June 2019

અમદાવાદના વસ્ત્રાલમાં વ્યાજે લીધેલ પૈસાની માંગણી કરી ચાર શખ્સોએ આધેડને માર મારતા ફરિયાદના આધારે તપાસ શરૂ

અમદાવાદ:વસ્ત્રાલમાં રહેતા અને કન્ટ્રક્શનનો વ્યવસાય કરતા આધેડે ત્રણ મહિના પહેલા રૃા. ૧૦ હજાર લીધા હતા જે રૃપિયા આપી દીધા હતા છતાં ચાર શખ્સોએ રૃા. ૫૦ હજારની માંગણી કરીને ઢોર માર માર્યો હતો. આ બનાવ અંગે રામોલ પોલીસે ગુનો નોધી વધુ તપાસ હાથ ધરી છે.

વસ્ત્રાલમાં વિનય પાર્કની બાજુમાં આકૃતિ એપાર્ટમેન્ટમાં રહેતા અને કન્ટ્રક્શનનો વ્યવસાય કરતા અશ્વિનભાઇ લાભુભાઇ મિસ્ત્રીએ ત્રણ મહિના અગાઉ અમરાઇવાડી વિસ્તારમાં મહાવીરનગર ખાતે રહેતા ગૌતમ ભૈયાજી પાસે રૃા. ૧૦ હજાર વ્યાજે લીધા હતા જે રૃપિયા આપી દીધા હોવા છતાં ગઇકાલ તેમના ઘરે આવીને રૃપિયાની ઉઘરાણી કરીને ઓફિસે બોલાવ્યા હતા અને ચાર શખ્સોએ ઢોર માર માર્યો હતો. ગંભીર રીતે ઘવાયેલા આધેડને સારવાર માટે હોસ્પિટલ ખસેડાયા હતા.

(5:25 pm IST)
  • વાયુ વાવાઝોડુ આવતી કાલે બપોર સુધીમાં મુંબઈથી અઢીસો કિલોમીટર દૂર પહોંચી જશે. સમુદ્ર થી દૂર રહેવું હિતાવહ હોવાનું જાણીતા વેધર એનાલિસ્ટ અક્ષય દેવરસે આજે રાત્રે ટ્વિટ ઉપર જાહેર કર્યું છે. સમુદ્રની તોફાની સ્થિતિ અને પવન ફૂંકાતો રહેશે. લોકોની સલામતી માટે વધારાના પોલીસ અને કોર્પોરેશનના ઓફિસરો દરિયાઈ વિસ્તારોમાં મુકવામાં આવે તેવી સંભાવના છે. અક્ષય દેવરસ પોતાના ટ્વિટમાં જણાવે છે કે વાયુ વાવાઝોડુ મહારાષ્ટ્રના દરિયાકાંઠાની સમાંતરે ઉત્તર દિશામાં સતત આગળ વધશે અને ગુજરાતનો દક્ષિણ સાગરકાંઠો આવતીકાલે 12 જૂનના બપોર પછી અને 13 જૂનના રોજ સતત હાઇ એલર્ટ ઉપર રહેશે. આ સમયે 13 જૂનના દિવસે અતિ ભારે વરસાદ અને નુકસાન પહોંચાડે તેઓ તોફાની પવન ફૂંકાશે. access_time 12:02 am IST

  • દેશના પૂર્વ ઉડ્ડયન મંત્રી પ્રફુલ્લ પટેલની આજે સતત બીજા દિવસે દસ કલાક સુધી ઇડીએ પૂછપરછ કરી હતી અને તેમને ફરીથી આવતીકાલે 12 જુનના રોજ એર ઇન્ડિયા સીટ શેરિંગ કેસમાં ઇડી સમક્ષ ઉપસ્થિત થવા જણાવાયું છે. access_time 11:46 pm IST

  • પોરબંદર કાંઠે વાયુ વાવાઝોડાની સંભાવના સામે તંત્ર એલર્ટઃ ચોપાટી દરિયાકાંઠે તા.૧પ સુધી લોકોની અવર જવર ઉપર પ્રતિબંધ પોરબંદર દરિયાકાંઠે ''વાયુ'' વાવાઝોડાની સંભાવનાને લઇ તંત્ર એલર્ટ છે. જિલ્લા કલેકટર દ્વારા ચોપાટી દરિયાકાંઠે આજથી તા ૧પ સુધી લોકોની અવર જવર ઉપર પ્રતિબંધ મુકવામાં આવ્યો છે. પોરબંદરમાં આજે કેન્દ્રની રેસ્કયુ ટીમ આવી છે. દરિયા કાંઠા નજીક ૩૦ હજારથી વધુ લોકોનું સ્થળાંતર કરાય તેવી સંભાવના છે. access_time 8:55 pm IST