Gujarati News

Gujarati News

News of Monday, 11th January 2021

વડોદરાના સાકરદા ગામમાં કાર ચાલકે ભેંસને ટક્કર મારવા બાબતે ઠપકો આપતા ઉશ્કેરાયેલ શખ્સે મહિલા પર કાર ચડાવી જાનથી મારી નાખવાનો પ્રયાસ કરતા ગુનો દાખલ

વડોદરા:શહેરના સાકરદા ગામમાં કાર ચાલકે ભેંસને ટક્કર મારવા મામલે ઠપકો આપતા ઉશ્કેરાયેલા કારચાલકે મહિલા પર કાર ચડાવી દઈ મારી નાખવાનો જીવલેણ પ્રયાસ કર્યો હોવાનો બનાવ નંદેશરી પોલીસ મથકે નોંધાયો છે.

વડોદરા શહેર નજીક આવેલા સાંકરદા ગામમાં રહેતા કનકબેન પઢીયારની ભેંસને ગામમાં જ રહેતા પારસ પઢીયારએ બેદરકારીપૂર્વક પોતાની કાર ચલાવી ટક્કર મારી હતી. સપ્તાહ બાદ આ અંગે ફરી કારમાં પસાર થતા પારસ પઢીયારને કનક બેનએ રોકી કાર સરખી ચલાવવા ટોક્યો હતો. દરમ્યાન ઉશ્કેરાયેલા કારચાલકે કાર તેમની ઉપર ચલાવવાનો જીવલેણ પ્રયાસ કર્યો હતો. જોકે કનકબેનએ સાઈડ પર ખસી જઇ પોતાનો બચાવ કર્યો હતો. 

ત્યાર બાદ કારચાલક કનક બેનના ઘરે પહોંચી ગયો હતો અને મારા-મારી કરી અપશબ્દો બોલી જણાવ્યું હતું કે, આ કાર ચડાવીને તને મારી નાખીશ. બનાવ સંદર્ભે નંદેશરી પોલીસે પારસ પઢીયાર વિરૂદ્ધ મારામારી ધમકી સહિતની કલમો હેઠળ ગુનો નોંધી કાયદેસરની કાર્યવાહી હાથ ધરી છે.

(5:11 pm IST)
  • બોરસદમાં પતંગની દોરીએ 7 વર્ષનાં બાળકનો ભોગ લીધો. સૂર્ય મંદીર રોડ પર પિતા સાથે બાઈક પર બેસીને જતા બાળકનું પતંગની દોરીથી ગળુ કપાયું access_time 9:09 pm IST

  • ગુજરાતમાં બર્ડ ફ્લૂની એન્ટ્રી થતા તંત્ર અલર્ટઃ કાંકરિયા પ્રાણી સંગ્રહાલયમાં પક્ષી વિભાગને બર્ડ ફ્લૂની સંભિવત અસરને જોતા બંધ કરવાનો નિર્ણય લેવાયો, કાંકરિયા પક્ષી વિભાગમાં 1200થી વધુ પક્ષીઓ ઉપસ્થિત access_time 4:49 pm IST

  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST