Gujarati News

Gujarati News

News of Tuesday, 10th December 2019

ખેડા જિલ્લા એલસીબીએ જુગારધામ પર રેડ પાડી 7ને ઝડપ્યા

નડિયાદ: તાલુકાના મરીડામાં રહેતો પ્રવિણસિંહ ઉર્ફે પીકે કનકસિંહ છાસટીયા ગામમાં ભક્તિ ફળીયા પાછળ આવેલ ખેતરોની ઝાડીઓની પાછળ ખુલ્લી જગ્યામાં જુગારધામ ચલાવતો હોવાની માહિતી ખેડા જિલ્લા એલસીબી પોલીસને મળી હતી. જેથી પોલીસની ટીમે ગતરોજ સાંજના સમયે દરોડો પાડ્યો હતો. જ્યાં પોલીસને જોઈ જુગારીઓમાં નાસભાગ મચી હતી. જેમાં જુગારધામ ચલાવનાર પ્રવિણસિંહ ઉર્ફે પીકે કનકસિંહ છાસટીયા પોલીસને ચકમો આપી ભાગી છુટવામાં સફળ બન્યો હતો. જો કે પોલીસે સ્થળ પરથી પત્તાપાનાનો જુગાર રમતાં સાત ઈસમોને રંગેહાથે ઝડપી પાડ્યાં હતા. જેમાં મહેબુબભાઈ સફીભાઈ પાનવાલા, પ્રવિણસિંહ ઉર્ફે પિન્ટુ ચંન્દ્રસિંહ રાઠોડ, પરષોત્તમભાઈ હરમાનભાઈ ચૌહાણ, સંજય ઉર્ફે ભુરીયો રતિલાલ ચૌહાણ, મિતેષ વિનયકુમાર શાહ, કૃણાલ નટવરલાલ પ્રજાપતિ અને અરવિંદભાઈ ઉર્ફે પિન્ટુ ભાથીભાઈ ઝાલાનો સમાવેશ થાય છે. પકડાયેલા ઈસમોની અંગજડતીમાંથી રૂ.૫૮૨૦, દાવ પરથી રૂ.૧૭૨૦, ચાર મોબાઈલ ફોન કિંમત રૂ.૧૪,૦૦૦ તેમજ એક મોટરસાઈકલ નં. જીજે-૦૬, સીઆર-૩૮૧૩ કે જેની કિંમત રૂ.૨૦,૦૦૦ મળી કુલ રૂ.૪૧,૫૪૦ નો મુદ્દામાલ મળી આવ્યો હતો. જે પોલીસે જપ્ત કરી પકડાયેલા સાત ઈસમો તેમજ ભાગી છુટેલા પ્રવિણસિંહ છાસટીયા મળી કુલ આઠ ઈસમો વિરૂધ્ધ જુગારધારા હેઠળ ગુનો નોંધી કાર્યવાહી હાથ ધરી છે.

(5:07 pm IST)
  • સેન્સેકસ રરર પોઇન્ટ ઘટીને ૪૦ર૬૪ અને નીફટી ૭ર પોઇન્ટ ઘટીને ૧૧૮૬પઃ ડોલર સામે રૂપિયો ૭૦.૮૯ ઉપર છે access_time 3:33 pm IST

  • અમેરિકાના જર્સી શહેરમાં ગોળીબાર ચાલુ : ઇમર્જન્સી એલર્ટ : બે ઓફિસરો ઘવાયાંના અહેવાલ :ન્યુ જર્સીમાં એક્ટિવ શૂટર સિચ્યુએશન : લોન્ગ ગન સાથે એક શખ્શ ફાયરિંગ કરી રહયો છે ન્યૂજર્સીના greenvilla વિસ્તારમાં 12 સ્કૂલો બંધ કરી દેવામાં આવી છે : ત્રીસેક મિનિટ પહેલાની ઘટના access_time 12:33 am IST

  • જીજ્ઞેશ મેવાણીએ સ્ટેચ્યુ ઓફ યુનિટીને લગતા ખરડાની નકલ સળગાવી : સ્ટેચ્યુ સબંધી ઓથોરીટી રચવાનો કાયદો આદિવાસીઓની જમીન પડાવવા માટેનો હોવાનો આક્ષેપ : કાળો કાયદો ગણાવી વિધાનસભા સંકુલમાં અપક્ષ ધારાસભ્યએ કાંડી ચાંપી access_time 4:19 pm IST