Gujarati News

Gujarati News

News of Tuesday, 10th December 2019

અમદાવાદમાં રીઢો રીક્ષા ચોર ઉંમર મેડીવાલા ઝડપાયો : માત્ર બેટરી અને સીએનજી વાલ્વ માટે સાત મહિનામાં ૭૫ રીક્ષા ચોરી

બિનવારસી મૂકી દીધેલી ૧૦ રિક્ષાઓની સાથે બેટરીઓ અને સીએનજી કિટના વાલ્વ કબજે

અમદાવાદમાં રીઢો રીક્ષા ચોર ઝડપાયો છે જેણે છેલ્લા સાત મહિનામાં ૭૫ જેટલી રીક્ષા ચોરી કરી હોવાનું ખુલ્યું છે સ્પેશિયલ પોલીસ કમિશનર અજય તોમરે ક્રાઈમ બ્રાંચને આરોપીઓ સુધી પહોંચવા ખાસ સૂચના આપી હતી. જેના આધારે ક્રાઈમ બ્રાંચે તપાસ શરુ કરી હતી.

ક્રાઇમ બ્રાંચે બાતમીના આધારે ઉમર મેડીવાલાની જમાલપુરના મુન્ડા દરવાજા પાસે આવેલા ટેલિફોન એક્ષચેન્જ પાસેથી ધરપકડી પાડ્યો હતો. ઉમર પાસેથી એક ચોરીની રિક્ષા પણ કબ્જે કરી હતી.

પોલીસે આરોપીની તપાસ કરતા જાણવા મળ્યું છે કે, આરોપીએ છેલ્લા સાત મહિનામાં અમદાવાદ શહેરમાં ૭૫થી વધુ રિક્ષાઓની ચોરી કરી છે. ચોરાયેલી રિક્ષાઓમાંથી પોલીસે બિનવારસી હાલતમાં મૂકી દીધેલી ૧૦ જેટલી રિક્ષાઓની સાથે રિક્ષાની બેટરીઓ અને સીએનજી કિટના વાલ્વ પણ કબજે કર્યાં છે.

પૂછપરછમાં ખુલ્યું છે કે આરોપીએ સરકારી હોસ્પિટલ, અલગ-અલગ કોર્ટ, લાલ દરવાજા તેમજ મંદિરોની બહારથી રિક્ષાઓની ચોરી કરતો હતો. નવાની વાત એ છે કે આરોપી માત્ર બેટરીઓ અને સીએનજી વાલ્વ માટે રિક્ષાઓની ચોરી કરતો હતો.

(11:58 am IST)
  • અમેરિકાના જર્સી શહેરમાં ગોળીબાર ચાલુ : ઇમર્જન્સી એલર્ટ : બે ઓફિસરો ઘવાયાંના અહેવાલ :ન્યુ જર્સીમાં એક્ટિવ શૂટર સિચ્યુએશન : લોન્ગ ગન સાથે એક શખ્શ ફાયરિંગ કરી રહયો છે ન્યૂજર્સીના greenvilla વિસ્તારમાં 12 સ્કૂલો બંધ કરી દેવામાં આવી છે : ત્રીસેક મિનિટ પહેલાની ઘટના access_time 12:33 am IST

  • પી.પી.એફ.અને નાની બચત યોજનાઓ ઉપર મળતા વ્યાજમાં ઘટાડો કરો : RBI નું કેન્દ્ર સરકારને સૂચન : પોસ્ટ ઓફિસમાં મળતા વધુ વ્યાજને કારણે બેંકોની ડિપોઝીટ ઘટી રહી છે : સસ્તી લોન આપવામાં મુશ્કેલી access_time 12:43 pm IST

  • દેશમાં રોજગારીની કોઈ કમી નથી : નોટબંધી પછી બેરોજગારી વધ્યાના કોઈ ચિન્હ દેખાતા નથી : લોકસભામાં શ્રમ રોજગાર મંત્રી ગંગવાર ઉવાચ access_time 8:08 pm IST