Gujarati News

Gujarati News

News of Friday, 10th August 2018

ઉકાઇ ડેમની સપાટી ઘટતા દક્ષિણ ગુજરાતમાં અબજોનું નુકસાન

શેરડી - ડાંગર પાકને ૧૫૦૦ કરોડના નુકસાનનો અંદાજ

સુરત તા. ૧૦ : દક્ષિણ ગુજરાતના ખેતીના સિંચન માટે ઉકાઇ ડેમ જીવાદોરી સમાન ગણાય છે જેમાં આ વખતે ડેમની સપાટી ઓછી થતા શેરડી અને ડાંગરના પાકને ૧૫૦૦ કરોડનું નુકશાન થવાની ભીતિ સેવાઈ રહી છે ખેડૂતોને શેરડીની વાવણી એક મહિનો મોડી શરૂ કરવાની સુચના આપવામાં આવી છે.

ઉકાઇ ડેમના ઉપરવાસમાં વરસાદ પડ્યો નથી. જેથી ઉકાઇ ડેમ રૂલ લેવલથી ૩૫ ફૂટ ઓછો ભરાતા ખેડૂતો વધુ મુશ્કેલીમાં મુકાય તેવી શકયતાઓ છે. જેના કારણે આ વખતે ખેડૂતોને સિંચન માટે પાણી રેગ્યુલર નહીં મળવાની શકયતાઓ છે. જો વરસાદ પડે તો ડેમની સપાટી વધે તો જ ખેડૂતોને સમયસર પાણી મળી રહે તેમ છે.

ડેમમાં પાણીની અછતને પગલે હાલમાં ખેડૂતોને ફકત આઠ કલાક પાણી આપવામાં આવે છે તે પણ છુટક છુટક. જેના કારણે હાલમાં ડાંગર અને શેરડીના પાકને જબરદસ્ત નુકશાન થઇ રહ્યુ છે. આવી જ પરિસ્થિતી યથાવત જ રહેશે તો ખેડૂતોની હાલત વધુ ખરાબ થશે. જો સતત ૧૬ કલાક વિજળીનો પુરવઠો અપાય તો ખેડૂતોને રાહત થાય તેમ છે. બીજીતરફ સરકાર વરસાદ પર નિર્ભર છે.

(10:09 am IST)
  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST

  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST

  • વડાપ્રધાન નરેન્દ્રભાઈ મોદીએ ટ્વીટ કરીને તમામ વીર સપૂતોને યાદ કર્યા :અંગ્રેજોને ભારત છોડવા પર મજબુર કરતા આંદોલનના સુર 76 વર્ષ પહેલા આજના દિવસે છેડાયા હતા. આ ઐતહાસિક દિવસે પીએમ મોદીએ પણ ટ્વીટ કરી access_time 1:12 am IST