Gujarati News

Gujarati News

News of Friday, 10th May 2019

વડોદરામાં અમીદર્શન સોસાયટીમાં આઇપીએલ પર સટ્ટો રમાડતા બે શખ્સોને પોલીસે બાતમીના આધારે ઝડપ્યા

વડોદરા:પરિવાર ચાર રસ્તા પાસેની અમીદર્શન સોસાયટીમાં આઇપીએલની ગઇકાલે  રમાતી મેચ પર રમાતા સટ્ટા પર પોલીસે દરોડો પાડી બે વ્યક્તિની ધરપકડ કરી છે જ્યારે બુકીને વોન્ટેડ જાહેર કર્યો છે. ગ્રાહકોના નામો કોડવર્ડથી લખેલી બે નોટબુક મળતા પોલીસે તે કબજે કરી વધુ તપાસ હાથ ધરી છે.

ઉલ્લેખનિય છે કે ગઇકાલે આઇપીએલની સનરાઇઝર્સ હૈદરાબાદ અને દિલ્હી ડેરડેવિલ્સ વચ્ચેની સેમિ ફાઇનલ સમાન રસાકસીભરી મેચ રમાતી હતી અને આ મેચમાં અમીદર્શન સોસાયટીના એક મકાનમાં સટ્ટો રમાડાય છે તેવી બાતમીના આધારે પાણીગેટ પોલીસે દરોડો પાડી તાલીબ ગુલામ દુધવાલા અને મુકેશ નાથાલાલ ધોબીને ઝડપી પાડયા  હતા. પોલીસે મકાનમાંથી ૧૦ મોબાઇલ, એક ટીવી, સેટ ટોપ બોક્સ, કેલક્યુલેટર અને એક સ્કૂટર, રોકડ મળી કુલ ૬૧૮૬૦નો મુદ્દામાલ કબજે કર્યો છે.

(5:33 pm IST)
  • મિત્તલ જાદવ હત્યા કેસ: ફરાર આરોપી કેતન વાઘેલાને પોલીસે દબોચી લીધો : અમદાવાદ નજીકના બાવળા વિસ્તારમાં એક તરફી પ્રેમમાં યુવકે જાહેરમાં યુવતીને છરીના ઘા ઝીંકીને મોતને ઘાટ ઉતારી દીધા બાદ સ્થળ પરથી ફરાર થઇ ગયો હતો. access_time 1:18 am IST

  • સુરતમાં પણ ખાતરની બોરીઓનું વજન અંગે ચેકીંગ : સુરતમાં તોલમાપ વિભાગ દ્વારા જહાંગીરપુરા સ્થિત મંડળીઓમાં ચેકીંગ હાથ ધરવામાં આવ્યુ છે અને સરદાર બ્રાન્ડની ખાતરની બોરીઓનું વજન બરાબર છે કે નહીં ? તેનુ ચેકીંગ હાથ ધરાયુ છે access_time 2:42 pm IST

  • વડાપ્રધાનને આપેલ ૫૬ ગાળો ૫૬ ભોગ સમાનઃ ગડકરી : કેન્દ્રીય મંત્રી નિતિન ગડકરીએ કોંગ્રેસ ઉપર હલ્લાબોલ કરતા જણાવેલ કે વડાપ્રધાન મોદીને કોંગ્રેસે અત્યાર સુધીમાં ૫૬ ગાળો આપી છે, પણ એ અમારા માટે ૫૬ ભોગની જેમ છે. અમે અમારા પ્રદર્શનના આધારે ચૂંટણી લડી રહયા છીએ access_time 3:42 pm IST