Gujarati News

Gujarati News

News of Wednesday, 10th February 2021

સુરતમાં યુવતી સાથે દુષ્કર્મ આચરનાર ઢોંગી ભુવાએ આત્મહત્યાનો કર્યો પ્રયાસ

ઢોંગીને મામા કહેતી યુવતીને ધમકી આપી દુષ્કર્મ ગુજાર્યું

.સુરત શહેરના ઉગત વિસ્તારમાં રહેતી એક યુવતી કે જે એક 40 વર્ષીય ભુવાને મામા કહેતી હતી. આ કહેવાતા મામાએ જ યુવતીના ભાઈ અને પિતાને મારી નાખવાની ધમકી આપી તે યુવતી સાથે લગ્ન કરવાની લાલચ આપી કેટલાક મહિનાઓ સુધી શારીરિક શોષણ કર્યું અને બાદમાં તેને તરછોડી અન્ય યુવતીને પત્ની તરીકે રાખતા આખરે યુવતીએ આ ઢોંગી ભુવા વિરુદ્ધ દુષ્કર્મની ફરિયાદ નોંધાવી હતી. આ ભુવા સામે ફરિયાદ નોંધાવવામાં આવતા ઢોંગી ભુવાએ આપઘાતનો પ્રયાસ કર્યો હતો.પોલીસે હોસ્પિટલમાં સારવાર હેઠળ આ ભુવા વિરુદ્ધ હવે તપાસ હાથ ધરી છે.જયારે, આ ભૂવો ઢોંગ કરતો હોય તેવો વીડિયો પણ સોશિયલ મીડિયામાં વાઇરલ થયો છે.

પોલીસના સૂત્રો પાસેથી મળેલી માહિતી મુજબ સુરતના ઉગત વિસ્તારમાં રહેતી યુવતીનું કહેવાતા ભુવા બિપિન સોંધરવા કે જેને તે મામા કહેતી હતી. આ યુવતીની માતાનું આવસાન થતા તેણીને સાવકી માતા સાથે ફાવતું નહીં હોઈ બિપિન સોંધરવા સાથે રહેવા જતી રહી હતી. વર્ષ 2018માં આ ભૂવાની પત્ની તેને છોડીને જતી રહેતાં બિપિન ઉગત આવાસમાં રહેવા ગયો હતો.હવે તેણે પોત પ્રકાશ્યું હતું અને યુવતીને તેના પિતા અને ભાઈને મારી નાખવાનું કહી પોતાની સાથે રહેવા બોલાવી યૌનશોષણ કરતો હતો. મહિનાઓ સુધી શારીરિક શોષણ કર્યા બાદ આ ભૂવાએ લગ્ન કરવાને બદલે તરછોડી દઇ અન્ય યુવતી સાથે રહેવા લાગ્યો હતો.બાદમાં યુવતીએ ફરિયાદ કરતા હાલ આ મામલે ઊંડી તપાસ કરી રહી છે.

(12:58 am IST)
  • અધીર રંજન વિરૂધ્ધ વિશેષાધીકાર ભંગનો ઠરાવ સંસદમાં મૂકાયો : ગ્રેગ થનબર્ગ ઉપર નિવેદન કરવા અંગે ભાજપના સાંસદ પી.પી.ચૌધરીએ કોંગ્રેસના સાંસદ અધીર રંજન ચૌધરી વિરૂધ્ધ વિશેષાધીકાર ભંગની દરખાસ્ત લોકસભામાં રજૂ કરી છે. access_time 11:29 am IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST

  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST