Gujarati News

Gujarati News

News of Saturday, 9th November 2019

ખંભાતમાં નજીવી બાબતે ઠપકો આપતા બોલાચાલી વધી: યુવકે ઝઘડો કરીને પથ્થરમારો કરતા પોલીસ ફરિયાદ

ખંભાત:શહેરના બાવાબાજીસા હરિજનવાસમાં ગઈકાલે એક વ્યકિતના ઘરે મરણતિથિનું જમણવાર રાખ્યું હતું. જેથી તેઓએ રસ્તો બંધ કરીને જમણવારની પંગત પાડી હતી. તે દરમિયાન ચુનારા યુવકે પંગતની પાર બાઈક લઈ જવાની કોશિશ કરતાં હરીજનોએ અટકાવ્યો હતો. જેથી બોલાચાલી થઈ હતી. તેની રીષ રાખીને યુવક અને અન્ય ચાર શખ્સોએ હરીજનવાસમાં આવીને ઝઘડો કરીને છુટ્ટા પથ્થરા મારી જ્ઞાતિવાચક શબ્દોથી અપમાન કર્યુ હતું. જે બાબતે ખંભાત શહેર પોલીસ મથકે ફરિયાદ નોંધાઈ છે.

પ્રાપ્ત માહિતી અનુસાર ખંભાત શહેરના બાવાવાજીસા હરીજનવાસમાં રહેતા તુષારભાઈ અને અરવિંદભાઈ હરીજનના નાનાજીની મરણતીથી હોય તે પ્રસંગે ઘર આગળ રસ્તો બંધ કરીને પંગત પાડીને જમણવાર રાખ્યો હતો. તે દરમિયાન વિજયભાઈ જયંતિભાઈ ચુનારા બાઈક લઈને આવ્યો હતો. જમણવારની પગંતમાંથી બાઈક લઈ જવાની કોશીષ કરતાં તુષારભાઈ અને તેમના પિતા અરવિંદભાઈ તથા કીર્તીભાઈએ તેને અટકાવ્યો હતો. બાબતે બોલાચાલી થઈ હતી.

(5:06 pm IST)
  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST