Gujarati News

Gujarati News

News of Saturday, 9th November 2019

વડોદરાના એમ.જી. કરોડિયા પોળમાં જવેલર્સમાં દાગીનાની ખરીદી કરી 45 લાખ ખોટા કરનાર સી પોપટલાલ જવેલર્સ વિરુદ્ધ ગુનો દાખલ

વડોદરા: શહેરના એમ.જી. રોડ કરોડિયા પોળમાં એચ.પી. બુલિયન્સના નામે સોનાના દાગીનાનું ટ્રેડિંગ કરતા વેપારી પાસેથી રૃા.૪૫ લાખના દાગીના લઇ જઇ પરત નહી આપનાર ભરૃચના સી.પોપટલાલ જ્વેલર્સ વિરૃધ્ધ વાડી પોલીસ સ્ટેશનમાં ફરિયાદ નોંધાઇ છે.

અંગેની વિગત એવી છે કે, હરણી રોડ સંગમ ચાર રસ્તા પાસે અવિનાશ સોસાયટીમાં રહેતાં નિકુંજ હસમુખભાઇ સોનીની કરોડિયા પોળમાં જયમહેલ બિલ્ડીંગના પ્રથમ માળે એચ.પી. બુલિયન્ટ નામની દુકાન છે અને તેઓ સોનાના દાગીનાનું ટ્રેડીંગ કરે છે. ગત તા.૨જી જુલાઇએ ભરૃચના સી. પોપટલાલ જ્વેલર્સવાળા મુકેશ જયેન્દ્રભાઇ ચોક્સી તેમનો પુત્ર રવિ, નિકુંજની દુકાને વડોદરા આવ્યા હતાં. પિતાપુત્રએ .૩૩ કોલો વજનના અલગ-અલગ ડિઝાઇનના દાગીના પસંદ કર્યા હતા. જેની કિંમત ૪૫ લાખ રૃપિયા થતી હતી. ૧૫ દિવસમાં દાગીનાના રૃપિયા આરટીજીએસ મારફતે એકાઉન્ટમાં જમા થઇ જશે તેવું કહીને પિતાપુત્ર દાગીના લઇ ગયા હતાં છેલ્લાં એકવર્ષથી મુકેશ ચોક્સી નિકુંજ સોની સાથે ધંધો કરતા હતા અને સમયસર પેમેન્ટ કરી દેતા હોઇ નિકુંજ તેમના પર ભરોસો રાખ્યો હતો.

(4:56 pm IST)
  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST