Gujarati News

Gujarati News

News of Friday, 8th November 2019

બાર એસોસિએશન યાદી ૨૦મી સુધીમાં રજૂ કરાશે

અમદાવાદ, તા.૮ : રાજયના ૨૫૨ જેટલા જુદા જુદા વકીલમંડળો(બાર એસોસીએશન) તરફથી તાકીદે ચૂંટણી કમિશનરની નિમણૂંક કરી બાર એસોસીએશનના સભ્યોની મતદાર યાદી પ્રસિધ્ધ કરાવી અને તે મતદાર યાદીમાં કોઇપણ પ્રકારના વાંધા-સૂચનો હોય તો તે તમામ દૂર કરીને દરેક એસોસીએશનના ચૂંટણી કમિશનરે તા.૨૦મી નવેમ્બર સુધીમાં દરેક એસોસીએશનની મતદાર યાદી ગુજરાત બાર કાઉન્સીલને મોકલી આપવા બાર કાઉન્સીલના ચેરમેન સી.કે.પટેલ અને પૂર્વ ચેરમેન અનિલ સી.કેલ્લાએ મહત્વની તાકીદ કરી છે. સમગ્ર રાજયના વકીલમંડળ માટે મહત્વની ચૂંટણી આવતા મહિને યોજાનાર છે ત્યારે ગુજરાત બાર કાઉન્સીલના ચેરમેન સી.કે.પટેલ અને પૂર્વ ચેરમેન અનિલ સી.કેલ્લાએ જણાવ્યું હતું કે, ગુજરાત બાર એસોસીએશન રૂલ્સ-૨૦૧૫ હેઠળ ગુજરાતના વકીલોના દરેક બાર એસોસીએશનો વન બાર, વન વોટ હેઠળ તા.૨૧મી ડિસેમ્બર, ૨૦૧૯ના રોજ ફરજિયાત ચૂંટણી કરવાનો આદેશ જારી કરાયો છે, જેને લઇને બાર એસોસીએશનોની ચૂંટણીલક્ષી કામગીરી હવે મહત્વના તબક્કામાં આવી પહોંચી છે.

              જેથી રાજયના ૨૫૨ જેટલા જુદા જુદા વકીલમંડળો(બાર એસોસીએશન) તરફથી તાકીદે ચૂંટણી કમિશનરની નિમણૂંક કરી બાર એસોસીએશનના સભ્યોની મતદાર યાદી પ્રસિધ્ધ કરાવી અને તે મતદાર યાદીમાં કોઇપણ પ્રકારના વાંધા-સૂચનો હોય તો તે તમામ દૂર કરીને દરેક એસોસીએશનના ચૂંટણી કમિશનરે તા.૨૦મી નવેમ્બર સુધીમાં દરેક એસોસીએશનની મતદાર યાદી ગુજરાત બાર કાઉન્સીલને મોકલી આપવાની રહેશે. ગુજરાત બાર કાઉન્સીલના ચેરમેન સી.કે.પટેલ અને પૂર્વ ચેરમેન અનિલ સી.કેલ્લાએ એ પણ સ્પષ્ટ કર્યું હતું કે, બાર કાઉન્સીલના આદેશ અનુસાર, દરેક બાર એસોસીએશનના ચૂંટણી કમિશનરે તા.૧થી ૧૦ સુધીમાં ઉમેદવારોના ફોર્મની ચકાસણીની કામગીરી પૂરી કરી તા.૨૧-૧૨-૨૦૧૯ના રોજ આખરી મતદાર યાદી મુજબ, ચૂંટણી પ્રક્રિયા પૂર્ણ કરાવવાની રહેશે. જો કોઇપણ એસોસીએશન તરફથી જો બાર કાઉન્સીલે બહાર પાડેલ આદેશ અનુસાર ચૂંટણી પ્રક્રિયા સમયસર પૂરી કરવામાં નહી આવે અથવા તો, બાર કાઉન્સીલને જરૂરી વિગતો સમયસર નહી મોકલી અપાય તો તેવા બાર એસોસીએશનની ચૂંટણી પ્રક્રિયાને લગતી કોઇપણ ફરિયાદ કે અપીલ બાર એસોસીએશન રૂલ્સ-૪૯ હેઠળ બાર કાઉન્સીલની કમીટી હાથ પર લેશે નહી તેની નોંધ લેવી.

(9:34 pm IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST

  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST