Gujarati News

Gujarati News

News of Saturday, 9th June 2018

અમદાવાદઃ ઘરની બહાર વેપારી પાસેથી છ લાખની દિલધડક લૂંટ થઈ

અસલાલી પોલીસની સીસીટીવીના આધારે તપાસઃ વેપારી દુકાનથી ઘેર આવી એકટીવા પાર્ક કરી રહ્યા હતા ત્યારે બાઇક ઉપર આવેલા બે અજાણ્યા શખ્સો દ્વારા લૂંટ

અમદાવાદ,તા.૯: અમદાવાદ બારેજા હાઇવે પર આવેલી સોસાયટીમાં રહેતા એક વેપારીને ઘરની બહારથી જ લૂંટી લેવાયો હોવાની ઘટના સામે આવી છે. વેપારી દુકાનેથી ઘરે આવી બહાર એક્ટિવા પાર્ક કરતા હતા બાઈક પર આવેલા બે શખ્સ રૂ. છ લાખ ભરેલા થેલાની લૂંટ કરી ફરાર થઇ જતાં સમગ્ર વિસ્તારમાં ભારે ચકચાર મચી ગઇ હતી. અસલાલી પોલીસે આ બનાવ અંગે ગુનો નોંધી આરોપીઓની શોધખોળ શરૂ કરી છે. થેલામાં છ લાખ રૂપિયા હોવાની આરોપીઓને જાણ હોવી જોઇએ અને તેથી તેમણે આ અંગે અગાઉથી જાણકારી રાખી હશે અને વેપારીની રેકી કરી હશે તેવું પોલીસનું માનવું છે, તેથી પોલીસે તે દિશામાં પણ તપાસના ચક્રો ગતિમાન કર્યા છે.        આ અંગેની વિગત એવી છે કે અમદાવાદ બારેજા હાઇવે પર આવેલી શિવપુર સોસાયટીમાં ગિરીશભાઈ વાડીલાલ પટેલ (ઉ.વ.૬૧) પોતાના પરિવાર સાથે રહે છે. તેઓ બારેજા ગામમાં પાન- મસાલાની ચીજ વસ્તુઓની એજન્સી ધરાવી વેપાર ધંધો કરે છે. ગઈકાલે રાતે આઠેક વાગ્યે તેઓ દુકાનેથી ઘરે આવવા નીકળ્યા હતા. સાડા આઠ વાગ્યાની આસપાસ તેઓ તેમની સોસાયટીમાં ઘર પાસે પહોંચ્યા હતા. દરમ્યાનમાં સોસાયટીમાં બાઈક પર બે અજાણ્યા શખ્સ આવ્યા હતા. ગિરીશભાઈ ઘરની બહાર એક્ટિવા પાર્ક કરતા હતા ત્યારે બાઈક પર આવેલા બે શખ્સમાંથી એક શખ્સ તેમની પાસે આવ્યો હતો અને અચાનક જ રૂ. છ લાખ રોકડ, અગત્યના કાગળો અને ચાવી ભરેલો થેલો ઝૂંટવી બાઈક પર બેસી ફરાર થઇ ગયા હતા.

લૂંટ થતા ગિરીશભાઈએ બુમાબુમ કરી હતી જેથી સોસાયટીના રહીશો બહાર દોડી આવ્યા હતા. જો કે, લૂંટારુઓ બાઈક પર નાસી છૂટવામાં સફળ રહ્યા હતા. પોલીસને જાણ કરાતાં અસલાલી પોલીસ ઘટના સ્થળે પહોંચી ગઈ હતી. પોલીસે બે અજાણ્યા શખ્સ વિરુદ્ધ ગુનો નોંધી આસપાસના અને રોડ પરના સીસીટીવીના આધારે તપાસ શરૂ કરી છે. પોલીસે સ્થાનિક રહીશોના પણ નિવેદન લઇ પૂછપરછ હાથ ધરી હતી.

(6:50 pm IST)
  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST