Gujarati News

Gujarati News

News of Sunday, 9th May 2021

અમદાવાદમાં કોલસેન્ટર પકડાવવાનો સિલસિલો યથાવત : વિષ્ણુધારા ગાર્ડન બિલ્ડિંગમાં ગેરકાયદે કોલસેન્ટરનો પર્દાફાશ : ત્રણ આરોપીની ધરપકડ

અમદાવાદ : શહેરમાં કોલસેન્ટર પકડાવવાનો સિલસિલો ચાલુ જ છે અમદાવાદ માં વધુ એક ગેરકાયદેસર ચાલતા કોલ સેન્ટર નો પર્દાફાશ સાયબર ક્રાઇમ એ કર્યો છે. શહેરના જગતપૂર રોડ પર આવેલ વિષ્ણુ ધારા ગાર્ડન નામની બિલ્ડિંગ માં ઇન્ટરનેશનલ કોલ સેન્ટર ચાલી રહ્યું હોવાની બાતમીના આધારે પોલીસે રેડ કરી હતી અને ત્રણ આરોપીએની ધરપકડ કરવામાં આવી હતી. આ આરોપીઓ મેજિક જેક સોફ્ટવેર નો ઉપયોગ કરી વિદેશી નાગરિકો ને ફોન કરીને લોન આપવાની લાલચ આપતા હતા અને જે નાગરિક નો ક્રેડિટ સ્કોર ઓછો હોય તે વધારી આપવાની લાલચ આપી તેમની પાસેથી રૂપિયા પડાવતા હતા.

સાયબર પોલીસે ત્રણેય આરોપીઓની ધરપકડ કરીને મોબાઈલ, લેપટોપ અને મેજિક જેક સોફ્ટવેર સહિત કુલ 81 હજારનો મુદ્દામાલ કબ્જે કરી વધુ તપાસ શરૂ કરી છે, જ્યારે આરોપીઓ વિદેશી નાગરિકોને ઝડપી લોન થઈ જશે, એમ કરીને વાતમાં લાવતા હતા અને જે બાદ પૈસા પડાવતા હતા, ત્યારે પોલીસે આરોપીઓની ધરપકડ કરીને વધુ તપાસ હાથ ધરી છે.

(9:08 pm IST)
  • હાર્દિક પટેલના પિતાશ્રી ભરતભાઈ પટેલના દુઃખદ અવસાન અંગે મુખ્યમંત્રીશ્રી વિજયભાઈ રૂપાણીએ હાર્દિક પટેલ સાથે ટેલિફોનિક વાત ચીત કરી હતી અને હાર્દિક પટેલ અને પરિવાર ને સાંત્વના પાઠવી શોક વ્યક્ત કર્યો હતો access_time 1:13 pm IST

  • ફાસ્ટ બોલર ચેતન સાકરીયાના પિતા કાંતિભાઈનો જીવનદીપ કોરોનાએ બૂઝાવ્યો : રાજસ્થાન રોયલ્સ તરફથી આઈ. પી.એલ. ક્રિકેટ મેચમાં રમી રહેલ અને મુળ ગુજરાતના ભાવનગરના વતની તથા ફાસ્ટ બોલર ચેતન સાકરિયાના પિતા કાંતિભાઈ(ઉ.૪૨)નું કોરોનાના કારણે દુઃખદ અવસાન થયું. લાંબા સમયથી ભાવનગર હોસ્પિટલમાં કોરોના સામે ઝઝૂમી રહ્યા હતા. access_time 3:50 pm IST

  • દિલ્હીમાં એક સપ્તાહ માટે લોકડાઉન લંબાવાયુ : મુખ્યપ્રધાન શ્રી અરવિંદ કેજરીવાલે પાટનગર દિલ્હીમાં એક અઠવાડિયા માટે લોકડાઉન લંબાવવાની જાહેરાત કરી છે. દિલ્હીમાં કોરોનાએ રીતસર હાહાકાર સર્જી દીધો છે access_time 12:39 pm IST