Gujarati News

Gujarati News

News of Tuesday, 9th March 2021

પાલનપુર:ઉનાળાની શરૂઆતમાં જ શહેરના જુદા જુદા વિસ્તારમાં પાણી ન આવતા મહિલાઓએ માટલા ફોડી વિરોધ દેખાડયો

પાલનપુર: શહેરમાં ઉનાળાની ઋતુ ના પ્રારંભે જ શહેરના ગણેશપુરા વિસ્તારમાં પીવાના પાણીની પારાયણ સર્જાઈ છે અહીં આવેલ ચિત્રકૂટ સહિત ની વિવિધ સોસાયટીઓમાં છેલ્લા પંદર દિવસ થી પીવાનું પાણી ન આવતા આ વિસ્તારના સ્થાનિકો દ્રારા નગરપાલિકામાં અનેકવાર  રજૂઆત કરવામાં આવી છે. તેમ છતાં પાલિકા દ્રારા આ વિસ્તારમાં પાણીની સમસ્યાનું નિરાકરણ લાવવામાં ન આવતા રહીશોમાં ભારે રોષ ભભૂકી ઉઠયો છે .અને પંદર દિવસથી પાણીનું એક ટીપું પણ ન મળતા પાણીની વિકટ સમસ્યા ભોગવી રહેલી મહિલાઓએ આજે માટલા ફોડીને રોષ વ્યકય કર્યો હતો .જોકે નગરપાલિકા આ વિસ્તારમાં પાણી પૂરું પાડવામાં સરેઆમ નિષ્ફળ જતા રહીશોને ના છૂટકે રુપિયા ખર્ચીને ટેન્કર મારફતે પાણી મંગાવવાની ફરજ પડી રહી છે .ત્યારે નગરપાલિકા દ્રારા પાણીની સમસ્યા ભોગવતી ગણેશપુરાની સોસાયટીમાં સત્વરે પાણી પૂરું પાડવામાં આવે તેવી માંગ પ્રબળ બની છે.

ચિત્રકૂટ સોસાયટીમાં છેલ્લા પંદર દિવસથી પીવાના પાણીની સમસ્યા હોઈ તેમ છતાં પાલિકા દ્રારા પાણી પૂરું પાડવામાં ન આવતા રહીશોને રોજિંદા ઘર વપરાશ અને પીવાના પાણીની તકલીફ વેઠવી પડતી હોય રહીશોને પૈસા ખર્ચી ને ખાનગી ટેન્કર મારફતે પાણી લેવું પડી રહ્યું છે.

(6:00 pm IST)
  • તમે બહુવિધ વેબસાઇટ્સ પર COVID-19 રસીકરણ માટે નોંધણી કરાવી શકો છો તેવા સમાચાર ખોટા છે! ફક્ત બે જ અધિકૃત પ્લેટફોર્મ છે - https://cowin.gov.in વેબસાઈટ અને એરોગ્ય સેતુ એપ્લિકેશન જ્યાં તમે રસીકરણ માટે પોતાની નોંધણી કરી શકો છો. access_time 4:21 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST