Gujarati News

Gujarati News

News of Tuesday, 9th March 2021

સુરતના અડાજણ-વેડને જોડતા બ્રિજ ઉપર નબીરા દ્વારા સ્‍ટંટઃ પોલીસ સડકછાપ રોમીયોને ઝડપીને કાર્યવાહી કરે તેવી લોકમાંગ

સુરત: સુરતમાં બાઈક પર સ્ટંટ કરતા એક બેફામ નબીરાનો વીડિયો વાયરલ (viral video) થયો છે. આ નબીરો અડાજણ-વેડને જોડતા બ્રિજ પર સ્ટંટ કરી રહ્યો છે. ટ્રાફિક પોલીસનું નાક કાપીને જાહેરમાં સ્ટંટ કરતા આ નબીરાને જોઈને તમારા દિલની ધડકન તેજ થઈ જશે. પોલીસને ખુલ્લેઆમ પડકાર ફેંકીને રોંગ સાઈડમાં સ્ટંટ કરી રહ્યો છે. એક ટાયર ઉપર બાઈક ચલાવીને સ્ટંટ કરતો આ નબીરો પોલીસ પુત્ર છે કે પછી સડકછાપ રોમિયો તે હજી સામે આવ્યું નથી. પણ  બ્રિજની રોન્ગ સાઈડમાં બીજા લોકોના જીવનને જોખમમાં મૂકતા આ સડકછાપ સ્ટંટબાજને જોઈને તમને ગુસ્સો આવી જશે.

સુરતનો આ વીડિયો શોકિંગ છે. સુરતમાં અડાજણ-વેડને જોડતા બ્રિજ પર વાહનોની અવરજવર વચ્ચે આ નબીરો સ્ટંટ કરી રહ્યો છે. સુરતમાં આ પહેલી એવી ઘટના નથી કે બ્રિજ પર નબીરાઓ સ્ટંટ ના કરતા હોય. પોલીસના નાક માથે કાળી ટીલી સમાન આવી ઘટનાઓ અવિરત રીતે ચાલુ છે. પોલીસ આવા સડકછાપ રોમિયોને પકડીને કડક કાર્યવાહી કેમ નથી કરતી. આ વાયરલ વીડિયો અનેક સવાલો ઉભા કરે છે. શું સ્ટંટ કરવા માટે આ નબીરાઓને લાયસન્સ આપવામાં આવ્યું છે કે પછી પોલીસ આવા સ્ટંટબાજો પ્રત્યે જરા પણ ગંભીર નથી.

રાજ્યમાં એક તરફ બુલેટમાં મોટાં મોટાં સાયલેન્સર લગાવીને રૌફ જમાવતા માથાભારે શખ્સોનો આતંક અને બીજી તરફ રાત્રે બ્રિજ પર સ્ટંટ કરતા સડકછાપ રોમિયોનો આતંક છે. શું ગૃહ વિભાગ આવા સ્ટંટબાજો સામે કડકમાં કડક કાર્યવાહી કરીને ઉદાહરણ રૂપ દાખલો બેસાડશે ખરો. શું પોલીસ આવા નબીરાઓનાં બાઈક જપ્ત કરીને તેમનું લાયસન્સ રદ કરીને જેલમાં ધકેલવાની હિંમત કરશે ખરી?

(5:28 pm IST)
  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 11 વાગ્યા સુધીમાં કોરોનાના નવા 15,353 કેસ નોંધાયા :કુલ કેસની સંખ્યા 1,12,44,624 થઇ :એક્ટિવ કેસ 1,84,555 થયા વધુ 16,606 દર્દીઓ સ્વસ્થ થતા કુલ 1,08,97,486 થયા :વધુ 76 લોકોના મોત સાથે કુલ મૃત્યુઆંક 1,57,966 થયા: દેશમાં સૌથી વધુ મહારાષ્ટ્રમાં નવા 8744 નવા કેસ નોંધાયા access_time 1:08 am IST

  • પ્રધાનમંત્રી નરેંદ્રભાઈ મોદી આજે સાંજે શ્રીમદ્ ભગવદ્દગીતાના શ્લોકો પર 21 વિદ્વાનોની વ્યાખ્યાઓ સાથે પાંડુલિપિના 11 ખંડોનું વિમોચન કરશે access_time 3:49 pm IST

  • તમે બહુવિધ વેબસાઇટ્સ પર COVID-19 રસીકરણ માટે નોંધણી કરાવી શકો છો તેવા સમાચાર ખોટા છે! ફક્ત બે જ અધિકૃત પ્લેટફોર્મ છે - https://cowin.gov.in વેબસાઈટ અને એરોગ્ય સેતુ એપ્લિકેશન જ્યાં તમે રસીકરણ માટે પોતાની નોંધણી કરી શકો છો. access_time 4:21 pm IST