Gujarati News

Gujarati News

News of Friday, 9th March 2018

પોલીસને શંકા ન જાયતે માટે દારૂની હેરાફેરીમાં રૂ.૮ હજારના પગારમાં મહિલાને નોકરીએ રાખી‘તી

સુરતઃ દારૂના ધંધાર્થીઓ ગમે તેમ કરીને દારૂનો વ્યવસાય કરી લે છે ત્યારે સૂરતમાં એક મહિલાને રૂ.૮ હજારનો પગાર આપીને દારૂની હેરાફેરીમા ઉપયોગ કરાતો હોવાનું ખુલ્યુ છે

સરથાણા પોલીસ મથકનો સર્વેલન્સ સ્ટાફ પીઆઇ ચૌધરીના માર્ગદર્શન હેઠળ પેટ્રોલિંગમાં હતો ત્યારે પોલીસ કર્મી હરિ દેવીદાસને મળેલી બાતમીને આધારે પોલીસે વોચ ગોઠવી સીમાડા નહેર, હરેકિષ્ણા વિલેજ નામની હોટલ પાસેથી એસન્ટ કાર પકડી પાડી તેમાં તલાશી લેતા ઇંગ્લિશ દારૃની બોટલો અને બિયરના ટીન મળી કુલ રૃા.૪૫,૮૫૦નો દારૃ મળી આવ્યો હતો. પોલીસે દારૃ, મોબાઇલ અને કાર મળી રૃા.૧.૦૮ લાખનો મુદ્દામાલ જપ્ત કરી કારમાં સવાર મહેશ નાગજી માંગરોળિયા (રહે- ઓમ ટાઉનશીપ, પાસોદરા, કામરેજ- મૂળ અમરેલી) અને અરુણાબેન જશમતભાઇ જીવાણી (રહે- કરુણાનિધિ રેસિડેન્સી, યોગીચોક, સરથાણા)ની ધરપકડ કરી દારૃના સપ્લાયર સરથાણાના વિપુલને વોન્ટેડ જાહેર કર્યો હતો.

પોલીસ સૂત્રોના જણાવ્યા પ્રમાણે મહેશ સાડીનો વેપારી છે. ધંધામાં ૧૫-૨૦ લાખનું દેવું થઇ જતા મહિના પહેલાં જ દારૃના વેપલામાં ઝંપલાવ્યું હતું. દારૃની હેરાફેરીમાં પોલીસને શંકા નહિ જાય તે માટે તેને અરુણાબેનને દમણથી સુરત દારૃ લાવવામાં આવે ત્યારે કારમાં સાથે બેસવા માટે નોકરીએ રાખી હતી. જે માટે ૮ હજારનો પગાર નક્કી થયો હતો. સરથાણા પોલીસ વધુ તપાસ કરી રહી છે.

(8:28 pm IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • દેશભરમાં ચકચારી બનેલ આરુષી હત્યા કેસમાં અલાહાબાદ હાઈકોર્ટ દ્વારા તલવાર દંપતીને છોડી મુકવાના આદેશ સામે CBIએ સુપ્રીમ કોર્ટમાં કરી અરજી access_time 9:25 am IST