Gujarati News

Gujarati News

News of Friday, 9th March 2018

પલસાણાના કડોદરામાં પિતાએ જીદ પુરી ન કરતા ધો.ની વિદ્યાર્થિનીએ ઝેર ગટગટાવ્યું

પલસાણા:તાલુકાના કડોદરા ખાતે નંદનવન રેસીડન્સીમાં રહેતી ધો. ૯ની વિદ્યાર્થિનીએ ઝેરી દવા પી લેતા મોત નીપજ્યું હતું. વિદ્યાર્થિનીએ  પિતા સાથે જન્મ દિવસ માટે નવા કપડા લેવાની જીદ કર્યા બાદ  અંતિમ પગલું ભર્યું હતું.
પોલીસ  પાસેથી પ્રાપ્ત વિગત અનુસાર કડોદરા ખાતે નંદનવન રેસીડન્સીમાં બાબુભાઇ દુધાભાઇ પરમાર પરિવાર સાથે રહે છે. બાબુભાઇની દિકરી ત્રીશા (ઉ.વ. ૧૫) કડોદરા ખોતે ધો. ૯માં અભ્યાસ કરતી હતી. ત્રીશાનો આગામી તા. ૧૩મી માર્ચે  જન્મ દિવસ હતો. બે દિવસ અગાઉ ત્રીશાએ પોતાના પિતા પાસે જન્મદિવસ માટે નવા કપડા  ખરીદવાની જીદ કરી હતી. પિતાએ નવા કપડા થોડા દિવસ પછી લઇશું તેમ કહેતા તે જ દિવસે કપડા લેવાની જીદ કરતી ત્રીશાએ મનમાં લાગી આવતા ગતરોજ સાંજે ઘરમાં મુકેલી મચ્છર મારવાની દવા પી લીધી હતી. ત્રીશાને ચલથાણ સંજીવની હોસ્પિટલમાં સારવાર માટે દાખલ કર્યા બાદ વધુ સારવાર માટે સુરત ખાનગી હોસ્પિટલમાં લઇ ગયા હતા. જ્યાં ત્રીશાનું મોત નીપજતા તબીબની વર્દી આધારે કડોદરા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી છે.

(5:58 pm IST)
  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • ગુજરાત વિધાનસભામાં અપાઈ વિગતો :22 ધારાસભ્યોને ડાયાબિટીસ અને 90ને બ્લડપ્રેસર :વિધાનસભાનો સમય બદલવા વિચારણા :12ને બદલે 11 થી 4-30 કરવા અને શુક્રવારે 9-30 થી 2 સુધી કરવા વિચારણા access_time 12:00 am IST