Gujarati News

Gujarati News

News of Thursday, 8th March 2018

સરકારનું કરજ ૧૬૦૬૬ કરોડ

સરકારે વ્યાજ પેટે કરોડો રૂ. ચૂકવ્યાઃ વિધાનસભામાં માહિતી

ગાંધીનગર તા. ૮ :.. રાજય સરકારના જાહેર દેવા અંગે કોંગ્રેસના મહમદ જાવીદ પીરઝાદાએ પુછેલા પ્રશ્નના ઉત્તરમાં નાયબ મુખ્યમંત્રી નિતીનભાઇ પટેલે જણાવ્યું હતું કે નાણાંકીય વર્ષ ર૦૧પ-૧૬ ના વર્ષમાં જાહેર દેવુ રૂ. ૧૮૦૭૪૩ કરોડ અને ર૦૧૬-૧૭ ના વર્ષમાં રૂ. ૧૯,૬૮૦૯ કરોડ હતું. વર્ષ ૧પ-૧૬ માં રૂ. ૧૭ર૯ર કરોડ વર્ષ ૧૬-૧૭ માં રૂ. ૧૬૦૬૬ કરોડનો જાહેર દેવામાં વધારો થયો છે.

સરકારે છેલ્લા બે વર્ષમાં આ જાહેર દેવાની રકમ ઉપર વર્ષ ર૦૧પ-૧૬ માં રૂ. ૧૪૪પ૬ કરોડ અને વર્ષ ર૦૧૬-૧૭ માં રૂ. ૧૬૧૧૪ કરોડનું વ્યાજ ચુકવેલ છે. અને રાજય સરકારે આ દેવું ઘટાડવા જરૂરી પગલા લેવામાં આવેલ છે.

રાજવિતીય શિસ્તનું પાલન અને તે દેવું રાજયના વિકાસ માટે મુડી ખર્ચની જરૂરીયાત પ્રમાણે અને કેન્દ્ર સરકાર દ્વારા નકકી કરેલ મર્યાદાની અંદર રહે છે.

(4:32 pm IST)
  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST