Gujarati News

Gujarati News

News of Friday, 9th February 2018

કલોલના શેરથા પાસે કારની ટક્કરે એક્ટિવા સવાર શિક્ષિકાનું કરૂણમોત

અકસ્માત સર્જી કારચાલક પલાયન ;શાળા ન,4ના શિક્ષિકા જશુબેનના મોતથી ઘેરા શોકની લાગણી

   કાલોલના શેરથા પાસે કારની ઠોકરે એક્ટિવા સવાર શિક્ષિકાનું કરૂણમોત નીપજ્યું છે આજે સવારે એકટીવા લઈને પસાર થઈ રહેલ શિક્ષિકાના એકટીવાને સામેથી આવી રહેલ કારએ ધડાકાભેર ટકકર મારતા થયેલ અકસ્માતમાં માથાના ભાગે ગંભીર ઈજાઓ થતા શિક્ષિકાનું ઘટના સ્થળે જ કમકમાટી ભર્યુ મોત નિપજયું હતું. અકસ્માત બાદ કારનો ચાલક ઘટના સ્થળે કાર મૂકી પલાયન થઈ ગયો હતો. શિક્ષિકાના મોતને પગલે શાળા પરિવાર તથા તેમના કુટુંબીજનોમાં ઘેરા શોકની લાગણી ફેલાઈ છે

  આ અંગેની વિગત મુજબ ચાંદખેડામાં વારીનાથ ચોક પાસેના ઓમ બંગ્લોઝમાં રહેતા જશુબેન ચતુરભાઈ રાઠોડ (ઉ.વ.આ.પ૬) શાળાનં. ૪ માં શિક્ષિકા તરીકે ફરજ બજાવે છે.આજ સવારના સમયે તેઓ ઘરેથી પોતાનું એકટીવા નં. જી.જે. ૧ સી ઈ ૩૩૪૭ લઈને સ્કૂલે આવવા નીકળ્યા હતા ત્યારે તેઓ ૧૦:ર૬ એ શેરથા હાઈવેના ર્સિવસ રોડ પરથી પસાર થઈ રહયા હતા ત્યારે સામેથી આવી રહેલ વેગનઆર કારનં જી.જે. ૧ કે ડી ૬૩૮૦ ના ચાલકે એકટીવાને ધડાકાભેર ટકકર મારતા અકસ્માત સર્જાયો હતો જેમા એકટીવા પર સવાર જશુબેનને માથાના ભાગે ગંભીર ઈજાઓ થતા તેમનું ઘટના સ્થળે જ કમકમાટી ભર્યુ મોત નિપજયું હતું.       અકસ્માતની જાણ ટોલટેક્ષના ઈમરજન્સી સ્ટાફને થતા તેઓ ઘટના સ્થળે દોડી આવ્યા હતા અને લાશને પી.એમ માટે ગાંધીનગરની સીવીલમાં લઈ જવામાં આવી હતી અને કારને ક્રેઈનની મદદથી રસ્તા પરથી દૂર કરી રસ્તો ખુલ્લો કર્યો હતો

(8:39 pm IST)
  • અમેરીકાના લુસીઆનામાં પ્રેકટીસ કરતા ભારતીય મુળના ડો. પદ્મિની નાગરાજ ઉપર મેડીકલેઈમના ખોટા બીલો બનાવી આપવાનો આરોપ મૂકાયો છે access_time 4:08 pm IST

  • કિમ જોંગની પરમાણુ ધમકીથી અમેરીકા ચિંતીતઃ ઉત્તર કોરિયાઈ કિમ જોંગ ઉને ફરી એકવાર જણાવ્યું કે, પરમાણુ અને મિસાઈલ પરીક્ષણ કરનાર ઉત્તર કોરિયા વિશ્વ સ્તરીય સૈન્ય મહાશકિત બની ગયું છે : હવે કોઈ પણ દેશ ઉત્તર કોરિયા તરફ ખરાબ નજરથી જોશે તો તેને પરીણામ ભોગવવા માટે તૈયાર રહેવું પડશે access_time 4:12 pm IST

  • જીજ્ઞેશ ભજીયાવાલાને આવકવેરાનું તેડુઃ કરોડો રૂપિયાની રોકડ અને પ્રોપર્ટી અંગે આયકર ખાતુ જવાબ લેશે! ૧ વર્ષ પછી જામીન ઉપર છુટતા હવે જીજ્ઞેશને નોટીસ સમન્સ ફટકાર્યા access_time 4:10 pm IST