Gujarati News

Gujarati News

News of Saturday, 8th May 2021

વડોદરાની હોસ્પિટલમાં દર્દીનો જાતે પાણી ભરતો વીડિયો વાયરલ

તત્કાળ ઊભા કરાયેલ કોવિડ સેન્ટર્સની દારૂણ સ્થિતિ : માસ્ક પહેરીને હાંફતા દર્દીનો મોત પહેલાનો વીડિયો સામે આવ્યો, દર્દી પાયોનિયર કોવિડ કેરમાં દાખલ હતો

વડોદરા, તા. : શહેર સહિત રાજ્યભરમાં કોરોનાનો કહેર વ્યાપી રહ્યો છે. યુદ્ધનાં ધોરણે કોવિડ કેર સેન્ટર ઉભા કરી અને તેમાં સારવાર આપવામાં આવી રહી છે. ત્યારે શહેરની આજવા ચોકડી પાસેની પાયોનિયર હૉસ્પિટલમાં ઉભા કરાયેલા કોવિડ કેર સેન્ટરમાં દર્દીઓને પડી રહેલી તકલીફોનો એક વીડિયો વાયરલ થઇ રહ્યો છે. જેમાં અહીં સારવાર લઇ રહેલા એક દર્દીનું મોત નીપજ્યું છે. તેમના મોત પહેલાનો એક વીડિયો સામે આવ્યો છે. જેમાં તેઓ જણાવે છે કે, ઓક્સિજન માસ્ક પહેરીને હાંફતા હાંફતા જણાવે છે કે, હું અહિંયા પાણી પણ જાતે ભરું છું.

શહેરની પાયોનિયર કોવિડ કેરમાં સારવાર લઇ રહેલા દર્દી પરેશ ભુરાભાઇ ખાંટનો વીડિયો સામે આવ્યો છે. જેમાં તેઓ જણાવે છે કે, જાતે ત્રણ દિવસથી પાણી ભરૂ છું. વીડિયોમાં દેખાય છે કે, તેમને આટલું બોલવામાં ઘણો શ્રમ પડી રહ્યો છે. જે બાદ તોઓ બતાવે છે કે, તેમનો પાણીનો બોટલ નીચે પડી ગયો છે. વીડિયોમાં દેખાતો દર્દી ૧૪ દિવસથી પાયોનિયર કોવિડ કેર ખાતે સારવાર લઇ રહ્યો હતો. ગઇકાલે તેમનું સારવાર દરમિયાન નિધન થયું હતું.

મૃતકનાં પરિવારજનોએ તો એવો પણ આક્ષેપ કર્યો હતો કે, અમારી પાસે હોસ્પિટલમાં ૨૭૦૦૦ રુપિયા ચાર્જ લેવામાં આવ્યો છે. જ્યારે તેમને ફ્રી બેડ પર દાખલ કરાયા હતા. ચાર્જ શેનો લેવાયો છે તેની અમને ખબર નથી.

મળતી વિગતો પ્રમાણે મૂળે મોડાસના અને હાલમાં મકરપુરા જીઆઈડીસી પાસે રહેતા ૩૪ વર્ષના પરેશ ભૂરાભાઈ ખાંટને ૧૩ દિવસ અગાઉ કોરોના થયો હતો. તેમને ખાનગી હોસ્પિટલમાં લઈ જવાયા હતા. જ્યાં તેમનુ ઓક્સિજન લેવલ ઘટી જતા પહેલા ગોત્રી હોસ્પિટલ લઈ જવાયા હતા.જ્યાંથી તેમને પાયોનિયર હોસ્પિટલ ખાતે રિફર કરવામાં આવ્યા હતા. અત્રે ઉલ્લેખનીય છે કે, વડોદરા શહેર બહાર આવેલી પારૂલ સેવાશ્રમ, પાયોનિયર કેમ્પસ અને ધીરજ હોસ્પિટલ ખાતે મોટી સંખ્યામાં કોરોનાના દર્દીઓની સારવાર માટે સુવિધા તૈયાર કરવામાં આવી છે. તાજેતરમાં ધીરજ હોસ્પિટલ ખાતે અન્ય દર્દીના મૃતદેહને પરિવારજનોને સોંપીને તેની અંતિમ ક્રિયા કરી દેવામાં આવી હતી. ત્યાર બાદ હવે પાયોનિયર કોવિડ કેરમાં દર્દીઓને પડતી હાલાકીનો વીડિયો સામે આવ્યો હતો.

પાયોનિયર કોવિડ કેરની બહાર વેઇટીંગમાં બેઠા દર્દીના સગાઓ ખૂબ ચિંતીત જોવા મળતા હોય છે. અહીં સારવાર લઇ રહેલા દર્દીઓને પડતી હાલાકીના અહેવાલ અગાઉ પણ મીડિયામાં પ્રકાશિત થઇ ચૂક્યા છે, પરંતુ, તે અંગે કોઇ નક્કર પગલા લેવામાં આવ્યા નથી.

(7:44 pm IST)
  • કેન્દ્ર સરકારે સેકસન ૨૬૯ એસ.ટી માં છૂટછાટો આપી છે. કોવિડની ટ્રીટમેન્ટ માટેની મેડીકલ સવલતોનું રોકડમાં ચુકવણું કરવાની લિમિટને લગતી આ છૂટછાટો અપાયેલ છે. ન્યૂઝફર્સ્ટ access_time 9:57 pm IST

  • આભાર ! : ચાર દિવસ સતત ભાવ વધારા બાદ આજે પેટ્રોલ અને ડીઝલના ભાવ યથાવત રહ્યા છે. કોઈ વધારો થયો નથી access_time 10:09 am IST

  • ઇઝરાઇલ સરકારે તેમની ધરતી પર ભારતીયોના પ્રવેશ પર પ્રતિબંધ મૂક્યો. (ન્યૂઝફર્સ્ટ) access_time 9:49 pm IST