Gujarati News

Gujarati News

News of Thursday, 8th April 2021

રાજપીપળા કોવિડ હોસ્પિટલમાં વધુ એક કોરોના ગ્રસ્ત આધેડ પુરુષનું મોત : નવા રાઉન્ડમાં ચારના મોત થયા

(ભરત શાહ દ્વારા) રાજપીપળા : હાલમાં રાજપીપળા સહિત નર્મદા જિલ્લામાં કોરોના પોઝિટિવ કેસમાં સતત વધારો થઈ રહ્યો છે જેમાં રાજપીપળાના વડીયા પેલેસ ખાતે આવેલી કોવીડ હોસ્પિટલ અને કેર સેન્ટર્ ખાતે દર્દીની સંખ્યા સતત વધી રહી છે.જેમાં આ સિઝનની શરૂઆતમાં કોરોનાથી રાજપીપળા કોવિડ હોસ્પિટલમાં દાખલ દંપતીના મોત બાદ ડેડીયાપાડાના એક આધેડનું મોત થયું ત્યારબાદ આજે પણ એક આધેડનું મોત નીપજ્યું છે.આમ આરોગ્ય વિભાગે આપેલા આંકડા મુજબ કોરોનાની આ સીઝનમાં અત્યારસુધી કુલ ચારના મોત થયા છે.

 જોકે સૂત્રો પાસેથી મળતી માહિતી મુજબ આ સીઝનમાં રાજપીપળા કોવિડ હોસ્પિટલમાં કુલ પાંચ ના મોત થયા છે છતાં અગાઉની જેમ તંત્ર અત્યારથી જ મોત ના આંકડા છુપાવી રહ્યું હોય એમ લાગી રહ્યું છે.

(10:22 pm IST)
  • હિમાચલ પ્રદેશ નગર નિગમની ચૂંટણીમાં ભાજપને ઝટકો : ચારમાંથી બે શહેરો કોંગ્રેસે કબ્જે કર્યા : પાલમપુરમાં 15 માંથી 11 તથા સોલનમાં 17 માંથી 9 બેઠકો ઉપર કોંગ્રેસ વિજયી : મંડી તથા ધર્મશાળામાં ભગવો લહેરાયો : હિમાચલ પ્રદેશમાં કોંગ્રેસનો સફાયો કરી નાખવાની ભાજપની મુરાદ બર ન આવી access_time 11:51 am IST

  • રાજકોટમાં વધુ બે સ્થળોઍ ટેસ્ટીંગ બુથ શરૂ કરાશે : શહેરમાં છેલ્લા ૧૦ દિવસથી કોરોનાઍ હાહાકાર મચાવતા ગઈકાલે ૩ સ્થળોઍ બુથ શરૂ કરાયા છે ત્યારે આજે વધુ ૨ સ્થળો સામાકાંઠે અને સોરઠીયા વાડી ઍમ બે સ્થળોઍ ટેસ્ટીંગ બુથ શરૂ કરવા મ્યુનિસિપલ કોર્પોરેશન દ્વારા શરૂ કરાશે : શહેરમાં હાલમાં ૮ બુથ કાર્યરત છે access_time 12:02 pm IST

  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST