Gujarati News

Gujarati News

News of Monday, 8th March 2021

વેસ્ટર્ન રેલવે એમ્પ્લોઈઝ યુનિયન, વલસાડ બ્રાંચ દ્વારા આંતરરાષ્ટ્રીય મહિલા દિવસની ઊજવણી

(કાર્તિક બાવીશી દ્વારા ) વલસાડમાં વેસ્ટર્ન રેલવે એમ્પ્લોઈઝ યુનિયન દ્વારા આંતરરાષ્ટ્રીય મહિલા દિવસ નિમિત્તે રેલવેના મૈત્રી હોલમાં મહિલા સંમેલન યોજાયું હતું. જેમાં મુખ્ય અતિથિ તરીકે આઈ.એ.એસ. ડૉ. હસરત જાસ્મીન ત્યાગી ઉપસ્થિત રહ્યા હતા. વિશાળ સંખ્યામાં ઉપસ્થિત રેલવે મહિલા કર્મચારીઓને સંબોધતા તેમણે મહિલાઓને શિક્ષિત અને સંગઠિત થઈ પોતાના અધિકાર માટે જાગૃત થવા કહ્યું હતું. તદુપરાંત ગત વર્ષમાં રેલવે ની ઉત્કૃષ્ટ સેવા કરવા બદલ મહિલા કર્મચારીઓને સિનિયર ડી.ઓ.એમ. નું પ્રશંસા પત્ર આપી તેમને બિરદાવ્યા હતાં.
  આ સંમેલન માં ડૉ. પી. કાકડે, શારદાદેવી ત્યાગી,   હેમલતા વિનચુરકર અને ઊર્મિલા સાવલકર ઊપસ્થિત રહ્યા હતા. આ સંમેલનનું સંચાલન સ્મિતા પટેલ દ્વારા કરવામાં આવ્યું હતું.
આ કાર્યક્રમને સફળ બનાવા માટે મહિલા વિંગ ના સ્મિતા પટેલ,સરિતા શર્મા, પ્રિતી પટેલ,હેલડા પરમપીલ, સાહિસ્તા બેલીમે ભારે જહેમત ઉઠાવી હતી.

(10:05 pm IST)
  • મહારાષ્ટ્રમાં કોરોના આંક ૧૧ હજારને ટપી ગયો, એકલા પુણેમાં કોરોના આંક બે હજારથી વધુ થયો, મુંબઈ અને નાગપુરમાં તેરસો-તેરસો નવા કેસ નોંધાયા: પંજાબમાં ૧ હજાર ઉપર નવા કોરોના કેસ: ગુજરાતમાં આંકડો પોણા છસ્સો ઉપર રહ્યો, ૪ મહાનગરો રાજકોટમાં ૫૮, વડોદરામાં ૭૦, સુરતમાં ૧૨૫ અને અમદાવાદમાં ૧૨૭ કોરોનાના નવા કેસ નોંધાયા: મહારાષ્ટ્ર, કેરળ અને પંજાબ ત્રણ રાજ્યોમાં 14 હજારથી વધુ નવા કેસો access_time 10:23 am IST

  • કોરોનાએ ઠેકડો માર્યો: ૧૮,૫૯૯ નવા કેસ : છેલ્લા ૨૪ કલાકમાં ભારતમાં કોરોનાએ ઠેકડો માર્યો છે અને ૧૮,૫૯૯ નવા કેસ, ૧૪૨૭૮ સાજા અને ૯૭ લોકોનાં મોત નોંધાયા છે. access_time 11:19 am IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST