Gujarati News

Gujarati News

News of Thursday, 7th June 2018

ગાંધીનગરમાં સિવિલમાં એક્સરે મશીન બંધ થતા લોકોને હાલાકી

ગાંધીનગર: ગાંધીનગર સિવિલ હોસ્પિટલમાં દર્દીઓ જ નહીં સ્ટાફ પણ સતત સમસ્યાઓ વચ્ચે કામ કરી રહ્યો છે. ત્યારે છેલ્લા બે દિવસથી સિવિલમાં એક્સરે મશીનમાં તકનીકી ખામી સર્જાવાને કારણે બંધ થઇ ગયું છે જેને લઇને દર્દીઓનું યોગ્ય નિદાન થઇ શક્તું નથી અને ડોક્ટરને પણ હેરાન થવુ પડે છે. ગાંધીનગર સિવિલ હોસ્પિટલનો વહિવટ છેલ્લા ઘણા વખતથી ખાડે જઇ રહ્યો છે. ટપકતી છતથી લઇને લાઇટો ડૂલ થઇ જવાની સાથે મેડિકલ ઇન્સ્ટયુમેન્ટ બગડી જવાને કારણે દર્દીઓને ભારે મુશ્કેલી વેઠવી પડે છે. મેડિકલ કોલેજ બનાવને કારણે દર્દીઓની સંખ્યા વધી છે તો સાથે સાથે ગ્રાન્ટ પણ વધી છે પરંતુ યોગ્ય અમલવારીના અભાવે અગાઉની જેમ દર્દીના ભાગે ધક્કા ખાવાનો જ વારો આવે છે. છેલ્લા બે દિવસથી એક્સરે મશીનમાં ટેકનીકલ ખામી સર્જાઇ છે. જેને લઇને બન્ને મશીનો બંધ થઇ ગયા છે તેવી સ્થિતિમાં દર્દીના એક્સરે પડી શકતા નથી અને ડોક્ટર પણ દર્દીનું યોગ્ય રીતે નિદાન કરી શક્તા નથી.સિવિલમાં રોજના ૩૦૦થી પણ વધુ એકસરે પડતા હોય છે ત્યારે મશીન બંધ થવાને કારણે ઘણા દર્દીઓને ખાનગીમાં એક્સરે પડાવવાનો વારો આવ્યો છે.

(7:10 pm IST)
  • ઝારખંડ : પોલીસ-નકસલીઓ વચ્ચે ઘર્ષણ : અંધાધુંધ ફાયરિંગ કરાતા બે જવાનો શહીદ access_time 3:48 pm IST

  • શેરબજારમાં જોરદાર શરૂઆત: સેન્સેક્સ અને નિફ્ટીમાં 0.5 ટકાથી વધારેનો ઉછાળો: મિડકેપ અને સ્મૉલકેપ શેરોમાં પણ વધારો:બેન્કિંગ, ઑટો, આઈટી, મેટલ, રિયલ્ટી, કેપિટલ ગુડ્ઝ, ઑયલ એન્ડ ગેસ અને પાવર શેરોમાં લેવાલી:સેન્સેક્સ 238 અંક વધીને 35417ના સ્તરે: નિફ્ટી 71 અંક વધીને 10756ની સપાટીએ access_time 10:45 am IST

  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST