News of Wednesday, 7th February 2018

વડોદરામાં બ્રિજ ઉપર એક સાથે ૪ વાહનો અથડાતા ટ્રાફીક જામઃ એરબેગ ખુલ્લી જતા જાનહાની અટકી

વડોદરાઃ હાઇવે ઉપર વાહનોની સંખ્યા વધી રહી છે અને મોટા પ્રમાણમાં હજારો વાહનો અવરજવર કરે છે ત્યારે વડોદરામાં બ્રિજ ઉપર એક સાથે ચાર કાર અથડાતા કલાકો સુધી ટ્રાફીક જામ થઇ ગયો હતો.

પ્રાપ્ત માહીતી મુજબ વડોદરાને સ્માર્ટ સિટી બનાવવા માટે તમામ માર્ગ અને જૂના બ્રીજોનુ રીનોવશન કરવામાં આવી રહ્યું છે. ત્યારે છેલ્લા ૨ વર્ષ કરતા પણ વધુ સમયથી પંડ્યા બ્રીજને પહોળો કરવાની કામગીરી હાથ ધરવામાં આવી છે. છતાં હજી સુધી કામ પૂર્ણ થયુ નથી. ત્યારે અવાર નવાર પંડ્યા બ્રીજ ઉપર વાહન અકસ્માતના બનાવો બની રહ્યાં છે. તેવામાં આજે ફરી એક વખત પંડ્યા બ્રીજ ઉપર એક સાથે કાર ધડાકાભેર સાથે અથડાતા ભારે ટ્રાફિક જામના દ્રશ્યો સર્જાયા હતા. જેમા કલાકો સુધી લાગેલી લાંબી કતારોમાં સ્કૂલવાનમાં દ્યરે જઇ રહેલા વિદ્યાર્થીઓ પણ અટવાયા હતા.

શહેરના પંડ્યાબ્રીજ ખાતે અવાર નવાર અકસ્માતના બનાવો બની રહ્યાં છે. ત્યારે તંત્ર જાણે કોઇ મોટી દુર્દ્યટના ઘટે તેની રાહ જોઇ રહી હોય તેવુ લાગી રહ્યું છે. સવારે અને સાંજે રોજ કલાકો સુધી ટ્રાફિકજામના દ્રશ્યો સર્જાય છે. તેમ છતાં બ્રીજ પહોળો કરવાની કામગીરીનો કોઇ અંત આવ્યો નથી. ત્યારે આજે ફરી એક વખત પંડ્યા બ્રીજ ઉપર બપોરે ૧૨.૩૦ વાગ્યાની આસપાસ ગેંડા સર્કલથી ફતેગંજ તરફ જઇ રહેલી એક મહિલા કાર ચાલકે પોતાની કારના સ્ટયરીંગ પરનુ કાબુ ગુમાવતા સામેથી આવી રહેલી સફેદ રંગની ફોકસવેગન કારને અડફેટે લીધી હતી. અને જોત જોતામાં વધુ બે ગાડીઓને ઝપેટમાં લીધી હતી.

પંડ્યા બ્રીજ ઉપર એક સાથે ધડાકાભેર ચાર ગાડીઓ અથડાતા ગાડીઓની એરબેગ ખુલી જતા કોઇ જાનહાનીનો બનાવ બન્યો નથી. પરંતુ અકસમાતને પગલે ભારે ટ્રાફિકજામ સર્જાયો હતો. ટ્રાફિકજામને પગલે કલાકો સુધી વાહનોની લાંબી કતારો લાગી હતી. જેમાં નવરચના વિદ્યાલયમાં અભ્યાસ કરતા નાના ભૂલકાઓ જેઓ વાનમાં દ્યરે જઇ રહ્યાં હતા તેઓ પણ અટવાયા હતા. વાહનોની લાંબી કતારો અને ભારે ભીડ જોઇ વાનમાં સવાર નાના ભૂલકાઓએ રડવાનુ શરુ કરી દીધુ હતુ. જોકે વાન ચાલક ભાઇલાલભાઇએ મેરાન્યૂઝ સાથે વાત કરતા જણાવ્યું હતુ કે, બ્રીજ પર થયેલ અકસમાતને કારણે છેલ્લા એક કલાક કરતા વધુ સમયથી ટ્રાફિકમાં અટવાયા છીએ જેના કારણે બાળકો પણ ત્રસ્ત થઇ ગયા છે. પંડ્યા બ્રીજ પર ટ્રાફીકજામની કાયમની સમયસ્યાનો હલ વહેલી તકે લાવવો જરૂરી છે.

(6:03 pm IST)
  • ફિલીપાન્સ સરકારે તસ્કરી કરી લાવેલ લકઝરી કારનો કૂરચો બોલાવ્યો : ફિલીપાન્સમાં રાષ્ટ્રપતિ રોડ્રિગો ડુટર્ટેની સરકરે કસ્ટમ વિભાગ દ્વારા જપ્ત કરેલ બે ડઝનથી વધુ પોર્શા, મર્સિડીઝ, જગુઆર જેવી સ્પોર્ટસ અને લકઝરી કારને કચડાવી નાખી : સામાન્ય રીતે સરકાર જપ્ત કરેલી કારની નક્કિ કરેલ પ્રક્રિયા અનુસાર નિલામી કરે છે : ગયા વર્ષે ફિલીપાન્સ સરકારે રૂ.૧૮ કરોડની કિંમતના વાહનો જપ્ત કર્યા હતા access_time 3:31 pm IST

  • અંતે પુરૂષોત્તમ સોલંકીઅે ધારાસભ્યપાદના શપથ ગ્રહણ કર્યાઃ ભાજપ સરકારને હાશકારો થયોઃ મત્સ્યદ્યોગ ખાતાના પ્રધાન છે access_time 6:01 pm IST

  • ઇમ્ફાલમાં આસામ રાઇફલ્સના કેમ્પ ઉપર ત્રાસવાદીઓ ત્રાટકયાઃ ૧૧ જવાનો ઘાયલ : મણીપુરની રાજધાની ઇમ્ફાલમાં તૈનાત આસામ રાઇફલ્સના ટ્રાન્ઝીટ કેમ્પમાં આજે સવારે એક પછી એક બે વિસ્ફોટો થયા, જેમાં ૧૧ જવાનો ઘવાયા છે. ઉગ્રવાદિઓએ પ્રશ્ચિમ ઇમ્ફાલમાં ખુમાન લંપક મુખ્ય સ્ટેડિયમ પાસે આ વિસ્ફોટો થયેલ. કોઇ આતંકી જુથોએ હજુ સુધી હુમલાની જવાબદારી મળી નથી. access_time 3:47 pm IST