Gujarati News

Gujarati News

News of Sunday, 6th October 2019

સુરતના વરાછામાં માં ઉમિયાજીની મહાઆરતીમાં હજારો શ્રદ્ધાળુઓ ઉમટયા : 40 હજારથી વધુ દીવડાઓ પ્રગટાવ્યા : ભક્તિ અને શક્તિનો અદભુત સંગમ

ગુજરાત સહીત અન્ય રાજ્યોમાંથી પણ પાટીદાર સમાજના લોકો ઉમટી પડ્યા હતા.

સુરતના વરાછામાં નવરાત્રીની આઠમ નિમિત્તે હજારો શ્રદ્ધાળુઓ દર્શનાર્થે ઉમટ્યા હતા. રાત્રે નવ વાગ્યે માતાજીની મહાઆરતી કરવામાં આવી હતી. ત્યારે અદભૂત દ્રશ્યો જોવા મળ્યા હતા. મહાઆરતીમાં હજોરો શ્રદ્ધાળુઓએ હાથમાં દીવડા લઈ માતાજીની આરતી ઉતારવાનો લાભ લીધો. જેમાં ગુજરાત ઉપરાંત અન્ય રાજ્યોમાંથી પણ પાટીદાર સમાજના લોકો ઉમટી પડ્યા હતા.

ઉમિયા માતા કડવા પાટીદાર સમાજના કુળદેવી છે. વરાછામાં આવેલા આ મંદિરમાં છેલ્લા 26 વર્ષથી દર વર્ષે આસો નવરાત્રીની આઠમની સંધ્યાએ આ રીતે મહાઆરતી થાય છે. 40  હજારથી વધુ દીવડા પ્રગટાવવામાં આવ્યા. આ મહાઆરતી સમયે શક્તિ અને ભક્તિનો અનેરો સંગમ જોવા મળ્યો હતો

(11:33 pm IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST