Gujarati News

Gujarati News

News of Sunday, 6th October 2019

અંકલેશ્વર જીઆઈડીસીમાં જયશ્રી એરોમેટીક કંપનીમાં તસ્કરની હત્યા મામલે ત્રણ આરોપીઓની ધરપકડ

તસ્કરને સીકયુરીટી ગાર્ડ સહિતના લોકોએ માર મારતાં તેનું મોત નીપજયું

ભરૂચ જીલ્લાના અંકલેશ્વર જીઆઇડીસીમાં આવેલ જયશ્રી એરોમેટીક કંપનીમાં ચોરીના ઇરાદે પ્રવેશેલા તસ્કરને સીકયુરીટી ગાર્ડ સહિતના લોકોએ માર મારતાં તેનું મોત નીપજયું હતું. મૃતકની ઓળખ નેત્રંગ તાલુકાના ઝરણા ગામના ટેકરા ફળિયામાં રહેતાં ૨૯ વર્ષીય નરેશ વસાવા તરીકે થઇ હતી. નરેશ વસાવા ભંગાર ચોરી કરવાના ઇરાદા સાથે કંપનીમાં પ્રવેશ્યો હતો પણ સીકયુરીટી જવાનોએ તેને ઝડપી પાડયો હતો. નરેશ વસાવાને દોરડાથી બાંધી દઇ માર મારવામાં આવતાં તેનું મોત થયું હતું.

સમગ્ર બનાવ સંદર્ભમાં અંકલેશ્વર જીઆઇડીસી પોલીસ સ્ટેશનમાં વિવિધ કલમો હેઠળ ગુનો નોંધવામાં આવ્યો હતો. પોલીસે તસ્કરને માર મારી મોત નીપજાવવાના ગુનામાં અંકલેશ્વરના હિરેન ભુવા, દિપેન પટેલ અને બીટુ ઉત્તમ પાસવાનની ધરપકડ કરી કાયદેસરની કાર્યવાહી હાથ ધરી છે.

(10:37 am IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST

  • દિગ્વિજયસિંહે પૂછ્યો સવાલ : ગોડસે દેશભક્ત છે કે દેશદ્રોહી ? ભાજપ અને બજરંગદળ પર સાધ્યું નિશાન : મધ્યપ્રદેશના પૂર્વ મુખ્યમંત્રી અને કોંગ્રેસના વરિષ્ઠ નેતા દિગ્વિજયસિંહેગ્વાલિયરમાં કાશ્મીર મુદ્દો,નાથુરામ ગોડસે અને આર્ટિકલ 370ને લઈને ભાજપ પર આકરા પ્રહાર કર્યા: દિગ્વિજયસિંહે એમ પણ કહ્યું કે ભાજપ ગાંધીજીને લઇને માત્ર દેખાડો કરે છે access_time 12:24 am IST