Gujarati News

Gujarati News

News of Saturday, 6th March 2021

મુખ્યમંત્રી યુવા સ્વાવલંબન યોજના એટલે તેજસ્વી અને જરૂરિયાતમંદ વિદ્યાર્થીઓ માટે આશીર્વાદરૂપ યોજના: શિક્ષણમંત્રી ભૂપેન્દ્રસિંહ ચુડાસમા

MYSY અંતર્ગત ડિપ્લોમાં ઈજનેરીના ૩૫૨ વિદ્યાર્થીઓને ૬.૮૬ કરોડની ઉચ્ચ શિક્ષણ સહાય અપાઇ

અમદાવાદ :ગુજરાત વિધાનસભાના આઠમા સત્રના ચોથા દિવસે ગૃહ ખાતે પૂછાયેલા પ્રશ્નનો ઉત્તર આપતા શિક્ષણ મંત્રી ભૂપેન્દ્રસિંહ ચુડાસમાએ કહ્યું હતુ કે મુખ્યમંત્રી યુવા સ્વાવલંબન યોજના એ તેજસ્વી અને જરૂરિયાતમંદ વિદ્યાર્થીઓ માટે આશીર્વાદરૂપ યોજના છે.

     આ અંગે વિગતો આપતા મંત્રી ચુડાસમાએ જણાવ્યું કે,  તા. ૩૧-૧૨-૨૦૨૦ની સ્થિતિએ નાણાકીય વર્ષ ૨૦૧૯-૨૦માં આ યોજના અંતર્ગત ટેક્નિકલ શિક્ષણ હેઠળના ડિપ્લોમાં ઈજનેરી અભ્યાસક્રમોમાં અભ્યાસ કરતાં ૩૫૨૦ વિદ્યાર્થીઓને રૂા.૬.૮૬ કરોડની ઉચ્ચ શિક્ષણ સહાય આપવામાં આવી છે. જે પૈકી ૨૯૮૧ વિદ્યાર્થીઓને રૂા.૫.૭૦ કરોડ અને કુલ ૫૩૯ વિદ્યાર્થિનીઓને રૂા. ૧.૧૬ કરોડની રકમ ચૂકવવામાં આવી છે.
   મંત્રી ચુડાસમાએ ઉમેર્યુ કે, આ યોજનાનો મુખ્ય હેતુ રાજ્યના ઉચ્ચ શિક્ષણનાઅભ્યાસક્રમોમાં પ્રવેશ મેળવવા માંગતા તેજસ્વી અને જરૂરિયાતમંદ વિદ્યાર્થીઓને ઉચ્ચ શિક્ષણ માટે ગુણવત્તા અને આવકના ધોરણે આર્થિક સહાય આપવાનો છે.

(7:25 pm IST)
  • સંભવત: અક્ષય કુમાર અને મિથુન દા બન્ને આવતીકાલે પીએમ મોદી સાથે બ્રિગેડ ગ્રાઉન્ડ, વેસ્ટબંગાળ ખાતે યોજાયેલ જંગી જાહેરસભામાં ભાગ લેશે તેમ સૂત્રોમાંથી જાણવા મળે છે. access_time 9:07 pm IST

  • રિલાયન્સ તેના તમામ કર્મચારીઓ, તેમના જીવનસાથી, માતાપિતા અને બાળકો માટે કોવિડ 19 રસીકરણનો સંપૂર્ણ ખર્ચ ઉઠાવશે access_time 9:58 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST