Gujarati News

અમદાવાદ : સરકારી વિનયન કોલેજ શહેરા ખાતે ગુજરાત રાજ્ય યોગ બોર્ડના સહયોગથી પાંચ દિવસીય યોગ શિબિરનો શુભારંભ કરવામાં આવ્યો હતો. આ શિબિર માટે યોગ કોચ પદ્માબેન જોશી તેમજ તેમની ટીમ ઉપસ્થિત રહી હતી.

તાજેતરમાં જ શહેરાની સરકારી વિનયન કોલેજ અને ગુજરાત રાજ્ય યોગ બોર્ડ સાથે એમઓયુ કરવામાં આવ્યા હતા. આ અનુસંધાને સૌ પ્રથમ કોલેજોના અધ્યાપકો માટે આ શિબિરનું આયોજન કરવામાં આવ્યું હતું તેમજ આગામી સમયમાં વિદ્યાર્થીઓ માટે પણ એક શિબિરનું આયોજન કરવામાં આવશે જેથી વિદ્યાર્થીઓ યોગ વિશે જાણતા થાય તેમજ પોતાના ગામમાં અને સમાજમાં યોગનો પ્રચાર-પ્રસાર કરે તે માટે આ કોલેજ અને ગુજરાત રાજ્ય યોગ બોર્ડ કટિબદ્ધ છે.

આ શિબિરમાં વિવિધ આસનો, પ્રાણાયામ, સૂર્યનમસ્કારનો અભ્યાસ કરાવવામાં આવ્યો. આ શિબિરમાં કોલેજના પ્રિન્સિપાલ ડો.વિપુલ ભાવસાર, સંસ્ક્રુત વિભાગના અધ્યક્ષ ડો. દિનેશ માછી સહિત 25 સ્ટાફ ગણ તેમજ યોગમાં રસ ધરાવતા વિદ્યાર્થીઓ ઉપસ્થિત રહ્યા હતા. કાર્યક્રમની શરૂઆત દીપ પ્રાગટ્યથી કરવામાં આવી હતી. આ શિબિરને સફળ બનાવવા માટે તમામ અધ્યાપકઓએ ખુબ જ સહકાર આપ્યો હતો.