Gujarati News

વડોદરા: શહેરમાં નિમેટા ફિલ્ટર પ્લાન્ટમાંથી માટી વાળું અને દૂષિત પાણી છેલ્લા ચાર મહિનાથી મળતા છેવટે કોર્પોરેશન લોકોની ચોખ્ખું પાણી મળે તે માટે સફાઈ કાર્ય કર્યા બાદ આ પ્લાન્ટના ફિલ્ટર બદલવાનું નક્કી કર્યું છે અને તે માટે રૂપિયા 54 લાખ 72 હજારનો ખર્ચ થશે. 90 દિવસના સમયમાં આ ત્રણેય પ્લાન્ટના ફિલ્ટર બદલી નાખવાની મુદત નક્કી કરાઇ છે.

આજવા સરોવર થી આવતા પાણીને ચોખ્ખું કરવા માટે નિમેટા ખાતે જુદી જુદી કેપેસીટીનો ત્રણ ફિલ્ટર પ્લાન્ટ છે આ ત્રણેય પ્લાન્ટમાંથી પાણી ચોખ્ખું કરી ને વડોદરાને આશરે 14 કરોડ લીટર રોજનું અપાય છે આ પાણી શહેરના પૂર્વ અને દક્ષિણ વિસ્તારને આપે છે જાન્યુઆરી મહિના બાદ નિમેટા પ્લાન્ટમાં શેવાળ અને લીવ વગેરે આવી જતા આ વિસ્તારોને પાણી પીળા રંગનું અને ગંદુ મળવાનું ચાલુ થતા હોબાળો મચાવ્યો હતો.